විධායක ජනාධිපතිධුරය අහෝසි කරන්නේමැයි කියමින් එජපෙ ජනාධිපති අපේක්ෂකයා වීමේ ආසාවෙන් ඒ සඳහා වෙහෙසෙන කරු ජයසූරියට තමන්ගේ ඇති වුවමනාව අවංක නම් ඒ වෙනුවෙන් කළ හැකි හොඳම දේ ජාතික ජන බලවේගයේ ජනාධිපති අපේක්ෂක ජවිපෙ නායක අනුර දිසානායකට සහය වීම බව ජවිපෙ පෙන්වා දෙයි. එසේම මේවන විටත් කරූ ජයසූරිය මහතාට ඒ සම්බන්ධයෙන් දැනුම් දීමක් සිදු කර ඇතැයිද ජවිපෙ ආරංචි මාර්ග පවසයි.

එළඹෙන ජනාධිපතිවරණයේ එජාපෙ අපෙක්ෂකයා ලෙස කරූ ජයසූරියව් ඉදිරිපත් කිරීම සඳහා රනිල් - රාජිත - රවී, රයනු ත්‍රිත්වය දැඩි උත්සාහයක් ගත්තද එය ලත් තැනම ලොප් වී තිබේ.

ඇල්පිටිය ප්‍රාදේශීය සභා මැතිවරණය ජයග්‍රහණය කරන්න කලින් එජාපයේ ජනාධිපති අපේක්ෂකයා නම් කරන ලෙස ඇල්පිටියේ එජාප ප්‍රාදේශීය නායකයන් සහ ක්‍රියාකාරිකයන් එජාප ප්‍රධානින්ගෙන් ඉල්ලීමක් කළ බව එම පිරිස් පවසයි.

එක්සත් ජාතික පෙරමුණේ ජනාධිපති අපේක්ෂකයා පාර්ලිමේන්තුවේ ආණ්ඩුපක්ෂ මන්ත්‍රීන් 106 දෙනාගේ ඡන්දයෙන් තොරා පත් කර ගැනීම කඩිනමින් කළ යුතු බව ඇමැති පාඨලී චම්පික රණවක අද මාධ්‍ය හමුවකදී පැවසීය.

 තම අනුමැතියකින් තොරව සුරාබදු දෙපාර්තමේන්තුව විසින් 2017 සහ 2018 වසර වලදී සුරාසැල් බලපත්‍ර ලබාදී ඇත්තේ කෙසේදැයි වහා පරීක්ෂණයක් පවත්වා සති දෙකක් ඇතුළත වාර්තාවක් ඉදිරිපත් කරන්නැයි මුදල් අමාත්‍ය මංගල සමරවීර, සුරාබදු කොමසාරිස් ජනරාල් එච්.ජී. සුමනසිංහ වෙත නියෝග කර තිබේ.