මේ සඳහා අදාළ නීති ඉදිරි මාස තුන ඇතුළත බලාත්මක කරන බව කී කම්කරු ඇමැති නිමල් සිරිපාලද සිල්වා වසර සියයකට වඩා පැරණි ගෘහසේවක ප්රජාවට අදාළ නීතිරීති ද වෙනස් කරමින්, ඔවුන්ගේ සුභසාධනය සඳහා නව නීති රීති ගෙන එන බව ද ප්රකාශ කර ඇත.
ඇමැති නිමල් සිරිපාල ද සිල්වා මේ බව ප්රකාශ කළේ කම්කරු අමාත්‍යාංශයේ ඊයේ (27) පැවැති ගෘහස්ථ සේවක අයිතිවාසිකම් ආරක්ෂා කිරීම සඳහා ගතයුතු ඉදිරි ක‍්‍රියාමාර්ග පිළිබඳ පැවැති සාකච්ඡාවේදීය.
මේ අතර කොළඹ හා අනිකුත් ප්‍රදේශවල බාලවයස්කාර දරුවන් මෙහෙකාර සේවයේ යොදවන ස්ථාන සිටී නම් 0112433333 අංකයට දැනුමි දෙන ලෙසට පොලිස් මූලස්ථානය ජනතාවගෙන් ඉල්ලා සිටී.
බාලවයස්කාර දරුවන් සේවයට යොදවන කොළඹ හා අවට ප්‍රදේශවල නිවාස ,ඇතුළු ස්ථාන සොයා විශේෂ මෙහෙයුමක් පොලිසිය ඊයේ සිට ආරම්භ කර ඇති අතර එම මෙහෙයුමට අමතරව මේ සඳහා ජනතාවගේ ද සහාය බලාපොරොත්තු මෙම අංකය හඳුන්වා දුන් බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි
-පංචාලි අබේසේකර
