රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ මහතා බන්ධනාගාර නිලධාරීන් විසින් කොළඹ මහේස්ත්‍රාත් අධිකරණයට රැගෙන විත් තිබෙනවා.
උතුරුමැද, වයඹ, මධ්‍යම, ඌව, සබරගමුව සහ දකුණු පළාත්වලත් ත්‍රිකුණාමලය දිස්ත්‍රික්කයේත් පස්වරු 1.00 න් පසුව තැනින් තැන වැසි හෝ ගිගුරුම් සහිත වැසි ඇති වේ. ඇතැම් ස්ථාන වලට මි.මී. 75 ට වැඩි තරමක තද වැසි ඇති විය හැක.
වෙළෙඳපොළේ එළවළු තොග සහ සිල්ලර මිල ගණන් ඉහළ ගොස් ඇතැයි ආර්ථික මධ්‍යස්ථාන වෙළෙන්දෝ කියා සිටිති. මේ දිනවල එළවළු වගාකිරීමේ කටයුතු යළි ආරම්භ කරමින් පැවැතීම නිසා වෙළෙඳපොළට සැපයෙන එළවළු ප්‍රමාණය අඩුවීමට බලපා තිබෙන බව ආර්ථික මධ්‍යස්ථාන නිලධාරීහු කියා සිටිති.
චමින්ද කුලරත්නගේ වැඩ තහනමට එරෙහි පෙත්සම හෙට යළි කැඳවයි !
පාර්ලිමේන්තුවේ නියෝජ්‍ය මහ ලේකම් සහ කාර්ය මණ්ඩල ප්‍රධානී, ජ්‍යෙෂ්ඨ නීතිඥ චමින්ද කුලරත්න මහතාගේ වැඩ තහනම් කිරීම අභියෝගයට ලක්කරමින් ගොනුකර ඇති CA (Writ) 109/2026 අංක දරන රිට් පෙත්සම අද (නොවැම්බර් 02) අභියාචනාධිකරණයේ සභාපති විනිසුරු රොහාන්ත අබේසූරිය මහතා සහ විනිසුරු කේ. පී. ප්‍රනාන්දු මහතාගෙන් සමන්විත ද්විපුද්ගල විනිසුරු මඬුල්ල හමුවේ යළි කැඳවනු ලැබීය.
වටගල සහ ජයකොඩිගේ වත්කම් ගැන අල්ලස් කොමිසමෙන් පරීක්ෂණයක්
මහජන ආරක්ෂක නියෝජ්‍ය අමාත්‍ය සුනිල් වටගල සහ හිටපු බලශක්ති අමාත්‍ය කුමාර ජයකොඩි යන මහත්වරුන්ගේ වත්කම් සම්බන්ධයෙන් අල්ලස් හෝ දූෂණ විමර්ශන කොමිෂන් සභාව (CIABOC) විසින් පරීක්ෂණයක් සිදු කිරීමට නියමිතය.
ශ්‍රිලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ ගේ උපදෙස් පරිදි හෙට 2026.11.02 ගමින් ගමට කොට්ඨාස රැස්වීම් මාලාව ආරම්භ කරන බව ශ්‍රීලංකා පොදුජන පෙරමුණේ මෙහෙයුම් ප්‍රධානී ජොන්ස්ටන් ප්‍රනාන්දු පැවසීය.
ඉල්ලීම් කිහිපයක් මුල් කරගනිමින් විශ්වවිද්‍යාල ආචාර්යවරු අද (30 වැනිදා) සං‌කේත වැඩවර්ජනයක නිරත වෙති. ආචාර්යවරුන්ගේ පුරප්පාඩු පිරවීම, වැඩිවන ශිෂ්‍යන්ට අදාළව පහසුකම් ලබාදීම ඇතුළු ඉල්ලීම් කිහිපයක් මුල්කර ගනිමින් මෙම වර්ජනය ක්‍රියාත්මක කරන බව විශ්වවිද්‍යාල ආචාර්ය සමිති සම්මේලනයේ ලේකම් ජ්‍යෙෂ්ඨ කථිකාචාර්ය චාරුදත්ත ඉලංගසිංහ ඊයේ (29 වැනිදා) පැවසීය.
බස්නාහිර සහ සබරගමුව පළාත්වලත්, ගාල්ල සහ මාතර දිස්ත්‍රික්කවලත් අද (30) වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව පවසයි.
