ඒ අනුව, ​ශ්‍රී ලංකා ජාතික රෝහලේ අවයව බද්ධ කිරීමේ සම්බන්ධීකාරක (Transplant Coordinator) ලෙස සේවය කරන වෛද්‍ය එච්. එම්. සී. ප්‍රසාද් හේරත් මහතා, ශ්‍රී ලංකා කැනේඩියානු වාණිජ මණ්ඩලයේ (CanCham SL) වෛද්‍ය සංචාරක කමිටුවේ (Medical Tourism Committee) නියෝජ්‍ය සභාපතිවරයා (Deputy Chairman) ලෙස පත් කරනු ලැබ ඇත.

​ශ්‍රී ලංකාව ජාත්‍යන්තර මට්ටමේ වෛද්‍ය සංචාරක (Medical Tourism) සහ සෞඛ්‍ය සේවා ගමනාන්තයක් ලෙස ප්‍රවර්ධනය කිරීම සහ ඒ සඳහා කැනේඩියානු ආයෝජන, තාක්ෂණය හා ජාත්‍යන්තර සබඳතා ලබා ගැනීම අරමුණු කරගනිමින් මෙම කමිටුව ස්ථාපිත කර ඇත.

​තම නව ධුරය ඔස්සේ වෛද්‍ය හේරත් මහතා, ශ්‍රී ලංකාව වෙත විදේශීය රෝගීන් ආකර්ෂණය කර ගැනීම, ජාත්‍යන්තර මට්ටමේ රෝහල් හා සෞඛ්‍ය පහසුකම් සංවර්ධනය කිරීම, කැනේඩියානු තාක්ෂණික සහ ආයෝජන සහයෝගීතාව ලබා ගැනීම සහ වෛද්‍ය සංචාරක ක්ෂේත්‍රයේ ගුණාත්මකභාවය හා රෝගී ආරක්ෂණය තහවුරු කිරීම සඳහා නායකත්වය ලබා දීමට නියමිතය.

ශ්‍රී ලංකාවේ සෞඛ්‍ය ක්ෂේත්‍රයට සහ වෛද්‍ය සංචාරක කර්මාන්තයේ අනාගතයට මහත් ශක්තියක් වෙමින් මෙම නව තනතුරට පත් වූ වෛද්‍ය එච්. එම්. සී. ප්‍රසාද් හේරත් මහතාට අපගේ උණුසුම් සුබපැතුම් ද පිරිනමමු!