හිටපු ජනමාධ්‍ය ඇමැති කෙහෙලිය රඹුක්වැල්ල මහතා අනතුරකට ලක්ව විදේශගතව ප්‍රතිකාර ලැබූ කාලයේදී ඔහුට ලබාගත නොහැකි වූ ඉන්ධන දිමනාව වශයෙන් රුපියල් ලක්ෂ එකොළහකට අධික මුදලක් වංචාකාරී ලෙස රජයෙන් ලබාගෙන තිබේ.මීට අමතරව කෙහෙළිය රඹුක්වැල්ල මහතාගේ නිල නිවසේ සිටි බව කියන කිනිතුල්ලන් මර්දනය කිරීමට තලවතුගොඩ ප්‍රදේශයේ ආයතනයක් වෙත රුපියල් හැත්තැඅටදහසක්ද රජයේ මුදලින් ගෙවා ඇති බව බිල්පත් ලිපි ලේඛන සහිතව අනාවරණය වී ඇත.

ඝාතනයට ලක්වූ රගර් ක්‍රීඩක වසීම් තජුඩීන්ගේ මළ සිරුර ගොඩගෙන යලි පරීක්ෂණ අරඹන ලෙස අධිකරණය දුන් නියෝගයත් සමග මහින්ද රාජපක්ෂ සහ හෙන්චයියන් විශාල තැති ගැන්මකට පත්ව සිටිති.

ඒ බව ඊයේ සුසිල් ප්‍රේමජයන්ත හදිසියේ පැවැත්වූ ප්‍රවෘත්ති සාකච්ඡාවේදී දැක්වූ අදහස්වලින් මොනවට පැහැදිලි වෙයි.