මැතිවරණයෙන් අනතුරුව ගෞරවනීය ලෙස දේශපාලනයෙන් සමු ගැනීමට අවස්ථාව සලසා දෙන මෙන් හිටපු ජනපති මහින්ද රාජපක්ෂ මහතා, ජනාධිපති මෛත්‍රිපාල සිරිසේන මහතා ගෙන් ඉල්ලීමක් කර තිබෙන බවට පළ වන මාධ්‍ය වාර්තා ප්‍රතික්ෂේප කරන බව හිටපු ජනපතිවරයාගේ ප්‍රකාශක රොහාන් වැලිවිට මහතා පැවසුවේය.

කොටහේන, බ්ලූමැන්ඩල් ප්‍රදේශයේදී සිදු වු වෙඩි තැබීමෙන් තුවාල ලබා සිටි තවත් පුද්ගලයෙකු මරණයට පත්ව තිබේ.

නිරාෂ ගුණසේකරගේ නවතම කාව්‍ය සංග්‍රහය වන 'සුදු කතක් හා මධුවිතක්' පිළිබද සංවාදශීලී කතාබහක් අගෝසුතු 28 වනදා සවස 3.30 ට ජාතික පුස්කතාල හා ප්‍රලේඛන සේවා මණ්ඩලයේදී පැවැත්වේ.
ඒ පිළිබද දේශන පවත්වනු ලබන්නේ දීප්ති කුමාර ගුණරත්න සහ හෂිත අබේවර්ධන විසින්ය.

පසුගිය කාලයේ පාතාලයට විරුද්ධව හඬ නැගූ සිවිල් සංවිධාන සහ රාජ්‍ය නොවන සංවිධාන වර්ථමානයේ නිහඬ ප්‍රතිපත්තියක් අනුගමනය කරමින් සිටින බව හිටපු ආරක්ෂක ලේකම් ගෝඨාභය රාජපක්ෂ මහතා කොළඹ පැවැති උත්සහවයකට සහභාගී වෙමින් පවසා ඇත. මෙහිදී වැඩිදුරටත් අදහස් දැක්වූ හිටපු ආරක්ෂක ලේකම් වරයා සඳහන් කළේ වර්ථමානයේ මෙරට තුළ ජාතික ආරක්ෂක වැඩ පිළිවෙලක් ක්‍රියාත්මක නොවන බවයි. එමෙන් ම ඔහු පෙන්වා දෙන්නේ වර්ථමාන ආණ්ඩුවේ සෑම ප්‍රචාරයන්ම බොරු ප්‍රචාරයන් බවට ඔප්පු වී ඇති බවකි.