හිටපු ජනපති මහින්ද රාජපක්ෂ පසුගිය ජනාධිපතිවරණ ප්‍රචාරක කටයුතු වෙනුවෙන් ස්වාධීන රූපවාහිනියට සිදු කළ මුල්‍ය වංචාව හේතුවෙන් ඔහුගේ ප්‍රජා අයිතිය අහෝසි කළ යුතු බවට ජනාධිපති කොමිසම විසින් නිර්දේශ කර තිබුණත් ඊට කිසිසේත්ම ජනාධිපති මෛත්‍රීපාල සිරිසේන මහතා හෝ ශ්‍රිලනීපය ඉඩ ලබා දෙන්නෙ නැති බව ඇමැති ඩිලාන් පෙරේරා මහතා අද පැවැති මාධ්‍ය හමුවකදී අවධාරණය කළේය.

ජනතාව බිය වැද්දීම් සෑම දෙනාම සිදු කරගෙන යනවා. ඇතැම් අවස්ථාවල මිනිසුන්නට බය හිතෙන විදිහට, මිනිසුන් අනාරක්‍ෂිත වන විදිහට නොයෙක් ප‍්‍රකාශ කරගෙන යනවා. මම එනකොට දැක්කා අක්කර 4000 ක් අපි ගන්න යනවයි කියලා. අමූලික පට්ටපල් බොරුවක්.

කිරිපිටි හා තිරිගු පිටි ආනයන කරන සමාගම් සදහා බදු සහන ලබාදීමට කටයුතු කර ඇති ඇමැතිවරයකු වසරකට රුපියල් බිලියන 10,000 ක පමණ කොමිස් ආදායමක් ලබන බව පාර්ලිමේන්තු මන්ත්‍රී විමල් වීරවංශ හෙළිදරව් කරයි, ජනාධිපතිවරයාට යොමු කර තිබෙන ලිපියක මේ බව සඳහන් කර තිබේ.

ව්‍යාපාරික අර්ජුන් ඇලෝසියස් ට අයත් පර්පෙච්චුවල් සමූහය හා අනුබද්ධ තවත් සමාගම් 28 ක බැංකු ගිණුම් අත්හි‍ටුවීමට ශ්‍රීලංකා මහ බැංකුවේ, මූල්‍යමය බුද්ධි සේවා ඒකකය තීරණය කර ඇති බව මහ බැංකු අභ්‍යන්තර ආරංචි මාර්ග පෙන්වා දෙයි. මේවන විට මහ බැංකුව විසින් බැඳුම්කර ගනු දෙනුවලට අදාලව සිදු කරගෙන යන විමර්ශන වලට යටත්ව මෙම පියවර ගැනීමට නියමිතය.

එක්සත් ජනතා නිදහස් සන්ධාන ආණ්ඩුවක් බිහි කිරීමට ජනාධිපති මෛත‍්‍රීපාල සිරිසේන විසින් කරන ලද යෝජනාව පිළිගන්නා බව ඒකාබද්ද විපක්‍ෂය සදහන් කරයි.