පොල් ආශ්‍රිත නිෂ්පාදනවලට ලැබෙන අධික ඉල්ලුම හේතුවෙන් මෙම වසරේදී හම්බන්තොට වරාය ආශ්‍රිතව නව පොල් අපනයන කලාපයක් නිර්මාණය කරන බව අමාත්‍ය වෛද්‍ය රමේෂ් පතිරණ මහතා පවසා තිබෙනවා.

රාජ්‍ය ඇමැති සුසිල් ප්‍රේමජයන්ත් ඇමැතිරයාව ධුරයෙන් පහ කිරීම සම්බන්ධයෙන් ජනාධිපතිරයා ගත්තේ නිවැරදි තීන්දුවක් බවත් මෙය මීට පෙර ගතයුතුව තිබු තීන්දුවක් බවත් මහාමාර්ග ඇමැති ජොන්ස්ටන් ප්‍රනාන්දු පවසයි.

සෙවණගල සීනි කර්මාන්ත ආයතනයේ ආරම්භ කොට වසර 36 කට පසු පසුගිය වර්ෂයේදී රුපියල් මිලියන 1360 ක ලාභයක් වාර්තා කර තිබේ. ඒ අනුව සීනි කර්මාන්ත ශාලාව ආරම්භ කිරීමෙන් පසු වැඩිම ලාභයක් උපයා ඇත්තේ පසුගිය වසරේදීය.

මුදල් අමාත්‍ය වරයා ඊයේ දිනයේදි ප්‍රකාශයට පත් කරන ලද දැවැන්ත සහන මල්ල ලබා දුන්නේ කොවිඩ් අර්බුද නිසා ඇති වී තිබෙන ජීවන වියදම් ඉහළ යාම නිසා වන පිඩනයෙන් ජනතාව මුදවාගැනීම වෙනුවෙන් පමණක් බව බලශක්ති ඇමැති උදය ගම්මන්පිළ අද පැවැති කැබිනට් තීරණ දැනුම් දීමේ මාධ්‍ය හමුවේදී පවසන ලදී.

ආණ්ඩුව ඇතුළේ ඉදගෙන ආණ්ඩුව විවේචනය කරන අය සිටී නම් ආණ්ඩුවෙන් එළියට ගොස් විපක්ෂයේ ඉදගෙන විපක්ෂයේ කාර්යබාරය කරන ලෙසත් එසේ නොමැති නම් ඒ අය ආණ්ඩුවෙන් ඉවත් කිරීමට තමාට සිදුවෙන බව ජනාධිපති ගෝඨාබය රාජපක්ෂ මහතා අද (03)පැවති කැබිනට් මණ්ඩල රැස්වීමේදි ඇමැතිවරුන් හමුවේ බරපතල ප්‍රකාශයක් සිදු කර ඇත.

සියලුම රජයේ සේවකයන්ට ජනවාරි මාසයේ සිට රුපියල් 5000ක දීමනාවක් ලබාදීමට කැබිනට් අනුමැතිය ලැබුණ බව මුදල් අමාත්‍ය බැසිල් රාජපක්ෂ මහතා කියයි.
ඊට අමතරව සියලුම විශ්‍රාමිකයන්ටද මෙම රුපියල් 5000 දීමනාව හිමිවෙයි. සමෘද්ධි ලාභීන්ට ලබාදෙන රුපියල් 3500 දීමනාවට තවත් රුපියල් 1000ක් ලබාදීමට කැබිනට් අනුමැතිය ලැබී තිබේ.

දෙවැනි මාත්‍රාව ලබා ගෙන මාස තුනක් ඉක්මවූ පුද්ගලයන්ට තුන්වන මාත්‍රාව ලබා දීමට රජය ගනු ලැබූ සෘජු තීරණය හේතුවෙන් මෙරට ඔමික්‍රෝන් ප්‍රභේදය පැතිරීම වළක්වා ගැනීමට හැකි වූ බව රාජ්‍ය අමාත්‍ය චන්න ජයසුමන මහතා පවසයි .

රටේ ආර්ථිකය අද හෙට කඩා වැටෙයි කියා පුන පුනා ප්‍රකාශ කරමින් රටට අහිතකර සිහින දකිමින් සිටින සියලුදෙනාගේ බොලඳ සිහින සියල්ල මේ වසරේ සුනුවිසුනු වී යන බව ශ්‍රී ලංකා මහ බැංකුවේ අධිපති අජිත් නිවාඩ් කබ්රාල් මහතා ප්‍රකාශ කළේය.