වැවිලි කර්මාන්ත අමාත්‍යාංශය හා අදාළ රාජ්‍ය අමාත්‍යාංශ සමඟ මෙම වසරේ ක්‍රියාත්මක කරන වැඩපිළිවෙල පිළිබඳ පැවති සාකච්ඡාවකදී අමාත්‍යවරයා මේ බව කියා සිටියා.
වගාකළ හැකි සෑම බිම් කොටසකම විවිධ භෝග වර්ග වගා කිරීමට යොමු විය යුතුයි. එමෙන්ම ඉතිහාසයේ වැවිලි ක්ෂේත්‍රයෙන් වැඩිම අපනයන ආදායමක් උපයා ඇත්තේ පසුගිය වසරේදී ය.. ඒ අනුව පොල් අපනයනයෙන් අමෙරිකා ඩොලර් මිලියන 900 ක් ද කුළුබඩු අපනයනයෙන් අමෙරිකා ඩොලර් මිලියන 500 ක් ද පසුගිය වසර තුළ උපයා තිබෙනවා.
රුපියල් 200 ත් 300 ත් අතර මිලකට තිබූ ගම්මිරිස් කිලෝ ග්‍රෑම් 1 ක් මේ වන විට රුපියල් 1000 ඉක්මවා අලෙවි වන බව මෙහිදි හෙළි වුණා.
ජානක වක්කුඹුර රාජ්‍ය අමාත්‍යවරයා මෙහිදි අදහස් දක්වමින් කියා සිටියේ කහ අතිරික්තයක් පවතින බැවින් මෙම වසරේදී විදෙස් වෙළෙදපොළට කහ යැවීම සදහා විශේෂ වැඩපිළිවෙලක් ක්‍රියාත්මක කරන බවයි. දේශීය නිශ්පාදන ගැන ඇතැමුන් විශ්වාසය නොතැබූ යුගය අවසන් කරන බව සාකච්ඡාවේදී අදහස් දැක්වූ රාජ්‍ය අමාත්‍ය අරුන්දික ප්‍රනාන්දු මහතා ප්‍රකාශ කර තිබෙනවා.
-පංචාලි අබේසේකර
