පොදු අපේක්‍ෂකයා කවුද යන්න රටට හෙළි කිරීම ජනාධිපතිවරණය ප්‍රකාශයට පත් කළ දිනට පසු දින සිදු කරන බව විපක්‍ෂයේ පක්‍ෂ නායකයෙක්‌ පැවැසීය.

ජනාධිපතිවරයාට තුන්වන වරටත් ජනාධිපතිවරණයකට ඉදිරිපත් වීම සඳහා බාධාවක් නොමැති බවට වන ශ්‍රේෂ්ඨාධිකරණ මතය ඇතුළත් වාර්තාවේ පිටපතක් ලබා දෙන ලෙස විපක්ෂය අද ඉල්ලීමක් කළේය.

මහින්ද රාජපක්ෂ මහතාට නැවත වරක් ජනාධිපති ධුරය සඳහා තරඟ කළ හැකි බව සහ දෙවන ධුර කාලය අවුරුදු 4 සම්පූර්ණ වූ පසු ජනාධිපතිවරණයක් කැඳවිය හැකි බව ශ්‍රේෂ්ඨාධිකරණයේ මතය සභානායක නිමල් සිරිපාලද සිල්වා මහතා විසින් පාර්ලිමේන්තුවට ඉදිරිපත් කළද එය සභා ගත නොකිරීම බලවත් සැකයකට තුඩු දී තිබෙන බව ජනතා විමුක්ති පෙරමුණ පවසයි.

ජාතික සංවිධාන එකමුතුව විසින් ඊයේ (12දා) පැවැත්වූ සමුළුවට බොදුබල සේනා සංවිධානයේ සභාපති පූජ්‍ය කිරම විමලජෝති හිමියන් සහභාගී වූයේ බොදුබල සේනා සංවිධානය නියෝජනය කරමින් නොවන බව එම සංවිධානයේ ප්‍රධාන විධායක නිලධාරී දිලන්ත විතානගේ මහතා පැවසිය. 

එක්සත්  රාජධානියේ ප්‍රමුඛතම  ගීත  දර්ශකය ' Music  Week  Chart 'ය.  මේ  වනවිට  එහි  20 වන  ස්ථානයට  පත්  වී  ඇත්තේ  ලාංකික තරුණියකගේ  ගිතයකි.  එම ගීතය  ' Free '  නමින් හඳුන්වයි.  ගීතයේ  හිමිකාරිය  වන්නේ  ලංකාවේ  ප්‍රවීණ  සිනමා  රංගන  ශිල්පිණියක  වන  ජීවරාණි  කුරුකුලසූරියගේ  දියණිය  වන  සේනානි  විජේසේනය.