එක්සත් ජනතා නිදහස් සන්ධානයේ ජාතික ලැයිතුවේ නම සඳහන් හිටපු පාර්ලිමේන්තු මන්ත්‍රී ටිරාන් අලස් මහතාට යලි මන්ත්‍රීධුරයක් ලබා ගැනීම වෙනුවෙන් ජනාධිපති සම්බන්ධීකරන ලේකම්වරයකු හා ජනාධිපතිවරයාගේ දේශපාලන න්‍යාචාර්යවරයකු යැයි කියන නීතිඥ ( දික්කසාද නඩු සඳහා විශේෂඥයකු යැයි ක්ෂේත්‍රයේ ප්‍රසිද්ධ) ශිරාල් ලක්තිලක මහතා විශේෂ මහන්සියක් දරමින් සිටින බව ජනාධිපති කාර්යාල ආරංචි මාර්ග පවසයි. ලක්තිලක මහතාද ජාතික ලැයිස්තු මන්ත්‍රීවරයකු ලෙස මෙවර නියත ලෙසම පත්වන බවද එම ආරංචි මාර්ග පවසයි.

මෙවර මහ මැතිවරණයේ වැඩි ආසන සංඛ්‍යාවක් දිනාගෙන තිබෙන එක්සත් ජාතික පක්ෂයට ආණ්ඩුවක් පිහි‍ටුවීමේ අවස්ථාව ලබා නොදී එජාපයෙන් පිරිසක් ලබා ගෙන සන්ධාන ආණ්ඩුවක් පිහි‍ටුවීම සඳහා මෛත්‍රීපාල සිරිසේන ජනාධිපතිවරයාගේ උපදේශකයන් ලෙස කටයුතු කරණ 'කේවට්ට'යන් පිරිසක් මේවන විට කුමන්ත්‍රණයක නියැලෙමින් සිටින බව දැන ගැනීමට තිබේ.

2015 මහ මැතිවරණය අවසානයේ මෙතෙක් ලාංකේය දේශපාලන ශබ්දකෝෂයෙන් ගිලිහී යන වචන කිහිපයක් කිහිපයක් තිබේ. මේ විමසුම ඒ ගැනය.

ජනාධිපතිවරණයෙන් පරාජයට පත්වූ මහින්ද රාජපක්ෂ මහතාට යම් ගෞරවයක් සහිතව දේශපාලනයෙන් විශ්‍රාම ගොස් ජීවිතයේ සැඳෑ කාලය සුවෙන් පහසුවෙන් ගත කිරීමට තිබු අවස්ථාව විනාශ කර ඔහුව නැවත දේශපාලනයට කැඳවාගෙන පැමිණ මහ මැතිවරණ පරාජයෙන්ද පජාත කරා දැමූ විමල් වීරවංශ නැවත වතාවක් රාජපක්ෂ මහතාව පාවිච්චි කරමින් දේශපාලන ගේමක් ගැසීමට සූදානම් වන බව දැන ගැනීමට තිබේ.

මෙවර පාර්ලිමේන්තුවට තේරුණු අය අතරේ මේ රට විනාශ කළ විශාල පිරිසක් සිටින බව වරාය සහ නාවික අමාත්‍ය අර්ජුන රණතුංග මහතා පවසයි.

එසේම රට ජයග්‍රහණය කිරීමට කටයුතු කළ විශාල පිරිසක් පරාජයට පත්වී ඇති බව
හෙතෙම කියා සිටියේ අද (19) මහර පිහිටි මැතිවරණ මෙහෙයුම් කාර්යාලයේ තම ජයග්‍රහණය උදෙසා කැපවූ පාක්ෂිකයින්ට ස්තුතිය ප්‍රකාශ කිරීමේ සුහද හමුවට එක් වෙමිනි.

මහ මැතිවරණයේදී මහින්ද රාජපක්ෂ මහතාගේ පර්ශ්වය නියෝජනය කරමින් ඉදිරිපත්ව ජයගෙන සිටින විශාල පිරිසක් මෛත්‍රීපාල සිරිසේන මහතාට පණිවිඩ එවමින් එක්සත් ජාතික පක්ෂය හා එකතුව ජාතික ආණ්ඩුවකට යමු යැයි ඉල්ලීම් කරමින් සිටින බව වාර්තාවේ.

මෙවර මහමැතිවරණයේදී උතුරු හා නැගෙනහිර පළාත් දෙකෙන් තරග වැදුනු දෙමළ ජාතික සන්ධානය වඩා විශිෂ්ටතම ජයග්‍රහණය වාර්තා කර තිබේ.