එහි පළමු එන්නත්කරණය IDH රෝහලේදී ආරම්භ වන අතර එහි සජිවි දර්ශන පහතින් දැක්වේ.
ඔක්ස්ෆර්ඩ් ඇස්ට්‍රාසෙනෙකා කොවිෂීල්ඩ් එන්නත් ලබාදීම බස්නාහිර පළාතේ රෝහල් 6 කදී අද (29) සිදු කෙරෙන අතර එහි පළමු එන්නත්කරණය IDH රෝහලේදී ආරම්භ වන බවයි සදහන් වන්නේ.
හෙට (30) දිනයේ සිට සෙසු පළාත්වල එන්නත් කිරීම් කටයුතු සිදුකෙරෙන බව සෞඛ්‍ය අංශ සඳහන් කරයි.
මේ අතර මෙම එන්නතේ පළමු එන්නත නාරාහේන්පිට පිහිටි යුද්ධ හමුදා රෝහලේදී යුද හමුදා සාමාජිකයින් තිදෙනෙකුට ලබා දී ඇති බව ආරංචිමාර්ග සදහන් කරයි.
එන්නත්කරණ වැඩසටහනේ සමාරම්භක අවස්ථාව ජාතික බෝවන රෝග විද්‍යායතනයේදී පැවැත්වුණේ සෞඛ්‍ය බලධාරීන් රැසකගේ සහභාගීත්වයෙනි.
එහිදී කොරෝනා මර්දන එන්නත ලබා ගත් මෙරට ප්‍රථම සෞඛ්‍ය අංශ නිලධාරීවරයා වන්නේ ජාතික බෝවන රෝග විද්‍යායතනයේ අධ්‍යක්ෂ විශේෂඥ වෛද්‍ය ආනන්ද විජේවික්‍රමය.
එම අවස්ථාවට ශ්‍රී ලංකාවේ ඉන්දීය මහකොමසාරිස් ගෝපාල් බග්ලේ මහතා ද එක්ව සිටීම විශේෂත්වයකි.
-පංචාලි අබේසේකර
