වසර 8ක් තුළ ඔට්ටු තැබීම් සඳහා ස්ථාන 324ක් අලූතින් විවෘත වී ඇති බව පාර්ලිමේන්තුවේදී ඊයේ අනාවරණය විය. ඒ, එක්සත් ජාතික පක්ෂ පාර්ලිමේන්තු මන්ත්රී ආචාර්ය හර්ෂ ද සිල්වා සිදුකළ ප‍්‍රකාශයක් සමඟය.
මහත් ආන්දෝලනයකට ලක් වූ දෙරණ වාද පිටිය වැඩසටහනේ දී ඇති වූ ගුටි හරඹය පිළිබඳවත්, එහිදී රාජපක්ෂ පුතුන් රෑ එළිවෙනතුරු නයිට් ක්ලබ් වල බොන බවක් කිවේදැයි පාර්ලිමේන්තු මන්ත්රී නාමල් රාජපක්ෂ මහතා ද දයාසිරි ජයසේකර මහතාගෙන් කරුණු විමසා තිබේ.
ඌව පළාත් සභාව අද දින විසුරුවනු ලැබුවොත් එහි මැතිවරණය සැප්තැම්බර් මාසය අවසන් වීමට පෙර පැවැත්විය හැකි වනු ඇතැයි මැතිවරණ කොමසාරිස් දයානන්ද දිසානායක මහතා පවසයි.
දික්කසාදය දැන් සුලබ සිද්ධියකි. එහෙත් විවාහයට සියලු කටයුතු සූදානම්ව සිටියදී ලැබුණු පෙට්ටියක් නිසා විවාහය අවලංගු කළ මනමාලයකු ගැන සවුදි අරාබියෙන් වාර්තා වෙයි.
තම අපේක්‍ෂකයා නියම වෙලාවට එළියට දාන බව ජනතා විමුක්ති පෙරමුණේ පාර්ලිමේන්තු මන්ත්රී විජිත හේරත් මහතා පවසයි.
කොළඹ ඇස්‌ රෝහලේ සේවය කරමින් සිටි හැට දෙහැවිරිදි කාන්තාවක්‌ රෝහලේ කාමරයකට ඇද ගෙන ගොස්‌ ඇයට මරණ තර්ජන කර ලිංගික අතවර කළ බව කියන සිද්ධියක්‌ සම්බන්ධයෙන් ඇස්‌ රෝහලේම සුළු සේවකයෝ දෙදෙනෙක්‌ මරදාන පොලිසිය මගින් ඊයේ (10 ) අත්අඩංගුවට ගනු ලැබූහ.
පොලිසියෙන් සහ පාතාල කල්ලිවලින් බව කියමින් රටපුරා ව්‍යාපාරිකයන්ට, ධනවත් පුද්ගලයන්ට දුරකථනයෙන් තර්ජනය කර රුපියල් ලක්‍ෂ ගණනින් කප්පම් මුදල් ලබා ගන්නා මහර බන්ධනාගාරයේ රඳවා සිටින අපරාධකරුවන් පිරිසක්‌ පිළිබඳ තොරතුරු හෙළිකරගත් කොළඹ අපරාධ කොට්‌ඨාසය ඊට සම්බන්ධ කාන්තාවක්‌ද අත්අඩංගුවට ගෙන ඇත.
දැනට බන්ධනාගාරවල සිටින මරණ දඬුවම නියම වූවන්ගේ දඬුවම ජීවිතාන්තය දක්වා සිරදඬුවමක් ලෙස වෙනස් කිරීම සඳහා අවශ්‍ය පියවර ගැනීම සුදුසු බව ශ්‍රී ලංකා මානව හිමිකම් කොමිෂන් සභාව තම වාර්තාව මගින් නිර්දේශ කර ඇත.
