ජනාධිපති මෛත‍්‍රීපාල සිරිසේන මහතා සහ අග්රාමාත්ය රනිල් වික්රමසිංහ මහතා වෙත විශේෂ ලිපියක් යොමු කරමින් මේ බව පැවසුවේය. වැලිමඩ , ඌව පරණගම ප‍්‍රදේශවලින් ආරම්භ වී බණ්ඩාරවෙල, ඇල්ල, වැල්ලවාය හරහායි මෙම ව්‍යාපෘතිය ක‍්‍රියාත්මක වේ. එය හරහා දැවැන්ත පරිසර දුෂණයක් සිදුවන බවද හරීන් ප‍්‍රනාන්දු මහතා පෙන්වා දී අැත.
ජනතාවගේ ඉල්ලීමකින් තොරව පසුගිය රජය ආරම්භ කළ මෙම ව්‍යාපෘතියෙන් මේ වන විට සිදුව ඇති හානියද පෙන්වා දීමට ප‍්‍රධාන අමාත්‍යවරයා පියවර ගෙන ඇත. මේ වන විටත් උමා ඔය ව්‍යාපෘතියේ ඉදිකිරීම් හේතුවෙන් එගොඩගම, වෙහෙරගලතැන්න, මකුල්ඇල්ල යන ගම්මානවල ළිං 140ක් සිඳී ගොස්ය. පොළොව අභ්‍යන්තරයේ කැනීම් හේතුවෙන් නිවාස රැසක් ඉරිතලා යාමේ අවදානමකටද ලක්ව ඇති බව ඔහුගේ ලිපියෙහි දැක්වේ.
එබැවින් හම්බන්තොට දිස්ත‍්‍රික්කයට සහන සැලසීම සඳහා ඌව පළාත තුළ සිදුකෙරෙන පරිසර හානිය වළක්වන ලෙස හරීන් ප‍්‍රනාන්දු මහතා ජනාධිපතිවරයාගෙන් ඉල්ලා සිටියේය.
