අවු.18 ට අඩු අයෙකු සැකකරුවෙකු ලෙස අත්අඩංගුවට පත්වීමේදී ඔහු හෝ ඇය වැරැදිකරුවෙකු ලෙස අධිකරණය තීරණය කරන තෙක් ඔහුගේ හෝ ඇයගේ ගෞරවය රැකෙන ආකාරයට කටයුතු කළ යුතු කාන්තා හා ළමා කටයුතු අමාත්‍ය චන්ද්‍රණී බණ්ඩාර මහත්මිය නිවේදනයක් නිකුත් කරමින් පෙන්වා දෙයි.
සජීව චාමිකර - පරිසර සංරක්ෂණ භාරය
ඇමෙරිකාණු, බහු ජාතික සමාගමක් වන කොකා කෝලා සමාගමේ බියගම නිෂ්පාදනාගාරයේ විෂ රසායනික කින්දු වීම හේතුවෙන් කැළණි ගඟ අගෝස්තු මස 17 වන දා දැඩි ලෙස දූෂණයට ලක් විය. එපමණක් නොව අඹතලේ ජල පවිත‍්‍රාගාරය හරහා කොළඹ ආශි‍්‍රත ජනතාවට දින ගණනාවක් පානය කිරීමට ලබා දී ඇත්තේ ද විෂ රසායනික වලින් දූෂණය වූ ජලයයි. අගෝස්තු මස 17 වන දින විෂ රසායනික ලීටර 1900 ක් පමණ කැළණි ගඟට කාන්දු වී ඇති අතර අගෝස්තු මස 28 වන දා දක්වා දින 11 ක් පුරා කොළඹ ආශි‍්‍රත 80% ක ජනතාවක් නැතහොත් ලක්ෂ 6 කට වඩා වැඩි ජනතාවක් පානය කර ඇත්තේ මෙම විෂ රසායනික මිශ‍්‍ර වූ ජලයයි.
රජය, පොදුරාජ්‍ය මණ්‌ඩල යොවුන් ක්‍රීඩා උළෙල සත්කාරකත්වය අත් හරියි
වර්ෂ 2017 දී මීළඟ පොදුරාජ්‍ය මණ්‌ඩල යොවුන් ක්‍රීඩා උළෙල සඳහා සත්කාරකත්වය ශ්‍රී ලංකාවට ලබාගැනීම පිණිස ක්‍රීඩා අමාත්‍ය දයාසිරි ජයසේකර මහතා විසින් ඉදිරිපත් කරන ලද අමාත්‍ය මණ්‌ඩල සංදේශය පෙරේදා (22දා) කැබිනට්‌ මණ්‌ඩලය විසින් ප්‍රතික්‍ෂේප කරනු ලැබ ඇති බව වාර්තා වේ. ප්‍රතිපාදන වෙන්කිරීමට ඇති අපහසුතාව මුල්කර ගනිමින් අග්‍රාමාත්‍යවරයා සහ මුදල්අමාත්‍යවරයාගේ කරුණු දැක්‌වීම්වලින් අනතුරුව මෙය ප්‍රතික්‍ෂේප වී ඇත.
මගේ පුතාට කළ අසාධාරණයට වග කියන්නේ කවුද? - සේයා ඝාතනයට අත්අඩංගුවට ගත් සිසුවාගේ මව
දරුණු මීනීමරුවකු සොයන අන්දමින් නිවසට කඩා වැදුණු කොටදෙණියාව පොලිසියේ නිලධාරින් පාසල් ශිෂ්‍යයකු වූ තම අහිංසක පුත්‍රයා දැරිය ඝාතන සිද්ධියේ සැකකරුවකු ලෙස අත්අඩංගුවට ගෙන රක්‍ෂිත බන්ධනාගාරගත කිරීමෙන් සිදු කළ අසාධාරණයට වග කියන්නේ කවරෙකු දැයි එම සිසුවාගේ මව වන කොටදෙණියාව අකරන්ගහ පදිංචි පුෂ්පා ශ්‍රියානි මහත්මිය විමසන්නීය. 17 හැවිරිදි පාසල් ශිෂ්‍යයා ඉකුත් 16 වැනිදා නිවසේ නිදා සිටියදී අත්අඩංගුවට ගැනීමට නිවසට කඩා වැදුණු කොටදෙණියාව පොලිසියේ නිලධාරින් කණ්‌ඩායමක්‌ කටයුතු කර තිබිණි.
සරුංගල් තැනෙන්නේ බිමය. නමුත් යැවෙන්නේ අහසටය. සරුගලයත් බිමත් අතර බැඳීම සියුම් නූලකිනි. මේ බැඳීම ලිහීගිය පසුව සරුංගලය ඔහේ පාවීගොස් ගසක් හෝ ලයිට් කණුවක් වැනි ඉහළ යමක් මත රැඳේ. නැතිනම් වෙලක හෝ වළක වැටේ. සමහරවිට වෙනෙකෙකු විසින් අහුලාගෙන නැවත උඩ යවනු ලැබේ.
ජනතා විමුක්ති පෙරමුණේ නිර්මාතෘ රෝහණ විජේවීර මහතා ගේ ඝාතනය හා එම අරගලයේදී මියගිය 60,000 ක් පමණ වන පුද්ගලයන් සම්බන්ධයෙන් විමර්ශනයක් කළ යුතු බවට මේ දිනවල වන කතිකාව පෝෂණය කළ හැකි ලිපියක් අපවෙත ලැබී තිබේ.
හයිබ්‍රීඩ් මඟහරින දේශීය යාන්ත්‍රණය, හොරාගේ අම්මාගෙන් පේන ඇසීමකි
එක්සත් ජාතීන්ගේ මානව හිමිකම් කවුන්සිලයේ වාර්තාවෙන් අන්ත නරකක්ම වෙතැයි සිතූ තත්වයක් තුළ ශ්‍රී ලංකා ආණ්ඩුවට රටක් වශයෙන් අපේක්ෂා කළ හැකි ප්‍රශස්තය දැන් ලැබී තිබේ. එනම්, සිදු වී යැයි කියන යුද අපරාධ ගැන පරීක්ෂා කිරීමට දෙමුහුන් අධිකරණයක් පිහිටුවීමයි. පිහිටුවනු ලබන දේශීය සත්‍ය කොමිසමක් ඉදිරියේ රටක් වශයෙන් සත්‍යයම මිස වෙන කිසිවක් නොකියන බවත්, සත්‍යය සහ කඳුළ තුළින් ජාතික සංහිඳියාව සොයා යන බවත් අපේ විදේශ අමාත්‍ය මංගල සමරවීර, පසුගිය සඳුදා ජිනීවා නුවර මානව හිමිකම් කවුන්සිලය ඉදිරියේ ප්‍රතිඥා දුන්නත්, එක්සත් ජාතීන්ගේ මානව හිමිකම් කොමසාරිස්වරයාට තිබුණේ ඊට තරමක් වෙනස් මතයකි.
විජේවීර දරු පවුලට ජනපතිගෙන් සහනයක්, ඒක ජවිපෙටත් සහනයකි.
ජවිපෙ නිර්මාතෘ රෝහණ විජේවීර මහතාගේ බිරිඳ ඇතුළු පවුලේ උදවියට ලබාදී තිබුණු වැලිසර නාවික හමුදා කඳවුරේ විවාහක නාවික නිලයන්ට අයත් නිවස තවත් මාස 6 ක කාලයක් ලබාදෙන ලෙස ජනාධිපති මෛත්‍රීපාල සිරිසේන මහතා විසින් නාවික හමුදා බලධාරීන්ට උපදෙස් ලබාදී තිබේ.
