ජනතා විමුක්ති පෙරමුණෙ හිටපු නායක සෝමවංශ අමරසිංහ මහතා ජනසේත පෙරමුණේ නායක බත්තරමුල්ලේ සීලරතන හිමි සමඟ සන්ධානයකට එළඹීමට එකඟ වී ඇතැයි එම පක්ෂ ආරංචි මාර්ග සඳහන් කරයි.
යහපාලනයෙන් මඩු රක්ෂිතය විනාසයි - පරිසරවේදී රවීන්ද්‍ර කාරියවසම්
යහපාලන ජාතික ආණ්ඩුවේ ඇමතිවරයෙක් මඩු රක්ෂිතය එළිපෙහෙලි කර තම ඡන්දදායකයන්ට බෙදාදීමේ ක්‍රියාදාමයක නිරත වෙමින් සිටින බව පරිසර හා සොබාදහම් අධ්‍යයන මධ්‍යස්ථානයේ සම්බන්ධීකාරක පරිසරවේදී රවීන්ද්‍ර කාරියවසම් මහතා පවසයි. වාණිජ්‍ය හා කර්මාන්ත අමාත්‍යවරයා වන රිෂාඩ් බදුර්දීන් විසින් මේ වනවිට අක්කර 04 ක පමණ ප්‍රමාණයක් එළිපෙහෙළි කර තිබෙන බව ඒ මහතා වැඩිදුරටත් සඳහන් කරයි.
මෛත්‍රීට මඩ ගැසූ සේපාල රත්නායක ඇල්ලීමට ඉන්ටර්පෝල් සහය පතයි
පසුගිය ජනාධිපතිවරණය පැවති සමයේ ජනාධිපති අපේක්‍ෂකවරයකු වූ මෛත්‍රීපාල සිරිසේන මහතාට අපහාසාත්මක වන අන්දමේ ප්‍රවෘත්තියක්‌ නිර්මාණය කිරීම සම්බන්ධයෙන් ලන්ඩනයේ ශ්‍රී ලංකා මහා කොමසාරිස්‌ කාර්යාලයේ අමාත්‍ය ධුරයක්‌ දෑරූ සේපාල රත්නායක මහතා සොයා ගැනීම සදහා ජාත්‍යන්තර පොලීසියේ සහාය ලබා ගැනීමට කොළඹ මහේස්‌ත්‍රාත් උසාවිය පොලීසියට අවසර ලබා දී තිබේ.හිටපු ජනාධිපති මහින්ද රාජපක්ෂ මහතාගේ නීති උපදේශකයෙක් ලෙසද කටයුතු කළේය.
ලබන සතියේ, හොරු රැසක් අත්අඩංගුවට, ලලිත් වීරතුංගව නොගන්නැයි බලපෑම්.
දූෂණ වංචා චෝදනා එල්ලා වී ඇති පසුගිය රාජපක්ෂ රජයේ ප්‍රබලයන් රැසක් ඉදිරි දින කිහිපය තුලදි අත් අඩංගුවට ගැනීමට නියමිත බව පොලිස් දෙපාර්තමේන්තු ආරංචි මාර්ග පවසයි. ඒ අතර හිටපු ඇමැතිවරයකු, පාර්ලිමේන්තු මන්ත්‍රිවරයකු, රාජ්‍ය ආයතන ප්‍රධානීන් කිහිප දෙනෙකු හා භික්ෂුවක්ද වන බව පැවැසේ.
19 වන ව්‍යවස්ථා සංශෝධනය සම්මත කිරීම වෙනුවෙන් පාර්ලිමේන්තු සභා ගර්භයේත් ඉන් පිටත කාමර හා කමි‍ටු ශාලාවලත් පැවැති පොදු හා රහසිගත සාකච්ඡාවල තොරතුරු හිටපු ජනාධිපති මහින්ද රාජපක්ෂට වාර්තා කිරීමට අවසානයේ ඉතුරුව සිටියේ විමල් වීරවංශ මහතා පමණක් බව රාජපක්ෂ පවුලේ ආරංචි මාර්ග පවසයි.
රුපියල් බිලියන 2.5ක් (ඩොලර් මිලියන 200ක්) වැය කර දුම්රිය එංජින් සහ මැදිරි ගනනාවක් ඉන්දියාවෙන් මිළදී ගැනීමට ප්‍රවාහන අමාත්‍යංශය සූදානම් වේ. ඉන්දීය ණය ආධාර ක්‍රමය යටතේ මෙම මිළදී ගැනීම සිදුවන අතර දුම්රිය එංජින් 6 ක් මැදිරි 160 ක හා තෙල් ගබඩා ටැංකි 30 ක් මීට අයත්ය.
ජනාධිපති මෛත්‍රීපාල සිරිසේන මහතා තරම් සරල සාමාන්‍ය ජීවිතයක්‌ ගත කරන රාජ්‍ය නායකයකු වර්තමානයේ නැතිතරම් ය. ඒ සරලකම නිසාම දෝ වත්මන් ජනාධිපතිවරයාට ලබා දී තිබෙන ආරක්‍ෂාවේ දැඩි දෝෂ සහගත තත්ත්වයක්‌ මතුව තිබෙයි.
