ඊනියා අගමැති මහින්ද රාජපක්ෂගේ පුත් නාමල් රාජපක්ෂ සිය පියාට පාර්ලිමේන්තුවේ බහුතරය සැදීම සඳහා සහජීවන නැටුමක් නටමින් සිටියි. ඒ අනුව ශ්‍රී ලංකාවේ දෙමළ ජනතාවගේ දිගු කාලීන ඉල්ලිමක් වූ සියලුම දෙමළ සිරකරුවන් නිදහස් කිරීම ඉතා ඉක්මනින්ම සිදු කරන බවට ඔහු ට්විටර් පණිවුඩයක් මගින් ප්‍රකාශ කර තිබේ.

මහින්ද රාජපක්ෂ, රනිල්ගේ අගමැතිකම හොරා කෑ පසු අපේ ‍රටේ විශ්ව විද්‍යාල ආචාර්යවරුන් කිහිප දෙනෙක් රාජපක්ෂ හමු වීමට ගොස් තිබේ. එහිදී ඔවුන් සියලු දෙනාගේ එකතුවෙන් සකස් කළ යෝජනාවලියක් රාජපක්ෂට ලබා දීමට ඔවුන් කටයුතු කර ඇත.

බල සූදුවෙන් පත්වන රනිල් හෝ මහින්ද අගමැති ලෙස ජනතාව පිළිගත යුතු නැහැ...ප්‍රජාතන්ත්‍ර විරෝධී ක්‍රියාමාර්ගවලට එරෙහිව ප්‍රගතිශීලී බලවේග සමග එක්ව සටන් කරනවා...ජ.වි.පෙ. ප්‍රචාරක ලේකම් විජිත හේරත් අද පැවැති මාධ්‍ය හමුවකදී සපත කර සිටියේය.

ශ්‍රී ලංකාව නම් මේ සිංහල බෞද්ධ රටේ  ජාරා ජීර්ණ වූ කහකඩධාරීන් අතර ප්‍රමුඛයෙකු වන අතුරලියේ රතන නම් කහකඩධාරියා සුපුරුදු ලෙස වාසි පැත්තට හෝයියා කියමින් මහින්ද රාජපක්ෂට සහය දැක්වීමට ඉදිරිපත්ව තිබේ. රෙදි ඇඳගෙනද එහෙම කළේ යැයි අසන්නට නොහැකිය.

පසුගිය සිකුරාදා (26) දින මහින්ද රාජපක්ෂ මුදල් අමාත්‍ය ධුරයේ දිවුරුම් දුන් පසු ගෙවී ගිය දින 3ක් ඇතුළත ශ්‍රී ලංකා මහ බැංකුව විසින් මුදල් නෝට්ටු මුද්‍රණය කිරීම 36.61% කින් වැඩි වී තිබෙනවා. එය රුපියල් මිලියන 32.014ක වැඩි වීමක් පෙන්නුම් කරමින් රුපියල් මිලියන 119, 463.60ක් දක්වා ඉහළ ගොස් ඇති බව සිලෝන් ටුඩේ පුවත්පත පෙන්වා දෙනවා.