දෙමළ බසින් සටහන් කර ඇති මෙම පණිවුඩය සිය පියා වන රාජපක්ෂගේ බහුතරය වෙනුවෙන් ද්‍රවිඩ සන්ධාන මන්ත්‍රීන් බිලි බා ගැනීමේ අරමුණින් සිදු කරන ලද්දක් බව පෙනී යන බව ටයිම්ස් ඔෆ් ඉන්ඩියා පුවත් සේවය සඳහන් කර ඇත.
“ජනාධිපති මෛත්‍රිපාල සිරිසේන හා අගමැති මහින්ද රාජපක්ෂ මේ සම්බන්ධයෙන් ඉතා ඉක්මන් විසඳමකට එනු ඇත“. යනුවෙන් ද එම පණිවුඩයේ සඳහන් කර තිබේ.
රාජපක්ෂගේ බහුතරය සැදීම සඳහා සිරිසේන ජනාධිපති මේ වන විටත් ලබන 14 වනදාට පාර්ලිමේන්තුව කැඳවන බවට ගැසට් පත්‍රය නිකුත් කර ඇති අතර සුළු ජාතීන් නියෝජනය වන පක්ෂවල බහුතරය ලබා ගැනීම මෙහිදී අතිශය තීරණාත්මක සාධකයක්ව පවතී. ඒ අනුව ද්‍රවිඩ ජාතික සන්ධානයේ මන්ත්‍රීවරුන් සමඟ සාකච්ඡා සිදු කළ ද විපක්ෂ නායක ආර්. සම්බන්ධන් රාජපක්ෂගේ ඉල්ලීමට එකඟ වී නොමැති අතර ඔවුන් තවමත් රාජපක්ෂගේ ධුරය නීති විරෝධී බව පවසයි. කෙසේ වෙතත් දමිළ ප්‍රජාව ද රාජපක්ෂගේ නැවත බලයට පැමිණීම සම්බන්ධයෙන් සිය අප්‍රසාදය පළකරමින් සිටියි.
