කුරුණෑගල දිස්ත්‍රික් ශ්‍රීලනීප මන්ත්රී එස්. බී නාවින්න මහතා අද දින එක්සත් ජාතික පක්ෂයට එක් වනු ඇති බව වාර්තා වේ. මෙන්ම ත්‍රිකුණාමල දිස්ත්‍රික්කයේ ශ්‍රි ලනීප මන්ත්රී එම් කේඩී එස් ගුණවර්ධන ඊයේ දිනයේදී ජනාධිපතිවරයා ගත් තීන්දුව නිසා ඊට විරෝධය දැක්වීම වෙනුවෙන් එජාපයට එක් වෙමට සූදානමින් පසුවනු බවත් වාර්තාවේ.
මේ රටේ පැවැති ක්‍රමයට විරුද්ධව වැරදි කරපු අයට විරුද්ධව රට බංකොළොත් කරපු අයට විරුද්ධව ජනතාව ජනවාරි 8 වැනිදා කළ යුග පෙරළියෙන් බලාපොරොත්තු වූ දේ ඉටු නොකොට නැවත වතාවක්‌ ඒ අයම අරගෙන ගමන් කරනවානම් ඡන්දය දුන් ලක්‌ෂ හැටදෙකක ජනතාවට ද්‍රෝහි වීමක්‌ බව හිටපු ජනාධිපති චන්ද්‍රිකා බණ්‌ඩාරනායක කුමාරතුංග මහත්මිය පැවසුවාය.
සුරාබදු ලෙස අය විය යුතු රුපියල් මිලියන 5000ක් අතුරුදහන් -රවී
සුරා බදු දෙපාර්තමේන්තුව පසුගිය 2015 මාර්තු මාසය තුළ ඉතිහාසයෙන් වැඩි ම බදු ආදායම ලබා ගැනීමට සමත්ව ඇතැයි මුදල් අමාත්‍ය රවී කරුණානායක මහතා පවසයි. එය රුපියල් මිලියන 9460 ඉක්මවා ඇති බව අමත්‍යවරයා පෙන්වා දුන්නේය.
මහබැංකුවේ බැඳුම්කර ගනුදෙනුව සම්බන්ධයෙන් එල්ලවූ චෝදනාව ගැන විමර්ශනය කිරීමේදී කෝප් කමිටුවේ සභාපතිවරයා ලෙස ඩිව් ගුණසේකර මහතා ඊට විරුද්ධ පක්ෂයේ මන්ත්‍රීවරයකු පත් නොකළ බව එක්සත් ජාතික පක්ෂ හිටපු පාර්ලිමේන්තු මන්ත්රී සුජීව සේනසිංහ මහතා පවසයි.ඔහු මේ බව පැවසුවේ අද(03) පැවති මාධ්‍ය හමුවකට එක්වෙමින්ය.
හිටපු ජනපති මහින්ද රාජපක්ෂට මහා මැතිවරණයට තරඟ කිරීම සඳහා නාම යෝජනා ලබාදෙන බව නිවේදනය වීමෙන් පසු ඔහුගේ ගෝලබාලයන් පිරිසක් මාතර දික්වැල්ලේ පිහිටි මංගල සමරවීරගේ කාර්යාලයකට ප්‍රහාරයක් එල්ල කර ඇතැයි වාර්තා වේ.
පාර්ලිමේන්තු මන්ත්රී දුමින්ද සිල්වාගේ සහෝදරයා වන රෙනෝ සිල්වාට අයත් හිරු මාධ්‍ය ජාලයේ සේවය කරන මාධ්‍යවේදීන් ගණනාවකගේ අවුරුදු උත්සවයකට සහභාගි නොවූයේ යැයි කියමින් වැටුපෙන් රුපියල් 2,200-3,000 බැගින් කපාගෙන තිබේ.
