ජනාධිපති මෛත්‍රීපාල සිරිසේන මහතා අද සිවු දින නිල සංචාරයක් සඳහා (25)චීනය බලා පිටත්ව යාමට නියමිතය.

කටාර් රාජ්‍ය නායක ෂීක් තමිම් බින් හමාඩ් අල් තානි (Shaikh Tamim Bin Hamad Al Thani) මහතා මීට ස්වල්ප මොහොතකට පෙර දිවයිනට පැමිණියේය.ඒ කටාර් ගුවන් සේවයට අයත් විශේෂ යානයකිනි. 

තවත් වසර 75ක් පමණ රටේ පාලන බලය රාජපක්ෂරුන් විසින්ම හෙබවීමේ බලාපොරොත්තුවෙන් යුතුව හිටපු ජනාධිපති මහින්ද රාජපක්ෂ විසින් කන්කසන්තුරේ ඉදිකරමින් පැවැති අති සුඛෝපභෝගී මන්දිරය පොදු මහජන කටයුතු වෙනුවෙන් යොදා ගැනීමට රජය තීරණය කර තිබේ.

හිටපු ජනාධිපති මහින්ද රාජපක්ෂ මහතාගේ ආරක්ෂක අංශයට සපයා තිබු ආරක්ෂක රථ කිහිපයක් පසුගියදා ආරක්ෂක ලේකම් වරයා විසින් නැවත ලබා ගෙන තිබීම හේතුවෙන් මහින්ද රාජපක්ෂ විසින් බරපතල චෝදනාවක් කරමින් ආණ්ඩුව කොටි නිදහස් කරන බවත් තමාගේ ආරක්ෂාව ඉවත් කරන බවත් පැවැසීය. එමඟින් ආණ්ඩුව එල්ටීටීඊය ලවා තමාව ඝාතන කරවීමට ඉඩ සලසා දෙන බවක් වක්‍රාකාරයෙන් පවසනු ලැබීය.

මාධ්‍යවේදීන්ගේ සුබසාධනය වෙනුවෙන් වෙනුවෙන් කොළඹට නුදුරු සුදුසු පරිශ‍්‍රයක් පිහිටුවීමට කටයුතු කරන බව ශ්‍රී ලංකා ජනමාධ්‍යවේදීන්ගේ ජාතික සංවිධානයේ නිළධාරීන් හමුවේ ජනමාධ්‍ය ඇමති ගයන්ත කරුණාතිලක මහතා පැවැසීය.

ශ්‍රී ලංකා අත්අඩංගුවේ සිටි ඉන්දීය ධීවරයින් පිරිසකට නිදහස ලබා දී තිබේ.

අද රටේ තිබෙන්නේ තමාට තේරුම් ගත නොහැකි දේශපාලනයක් බව මහින්ද රාජපක්ෂ මහතා පවසයි. එළියේදී බොරුවට විවෙචනය කරන අය ඇතුළට ගොස් පක්ෂව ඡන්දය ප්‍රකාශ කරන බවත් කොටවමින් බෙදමින් දේශපාලනය කරන පිරිසක් තමා ජනාධිපතිධුරයේ සිටියදීත් ළඟ සිටිය බවත් ඔහු පවසයි.

ලෝක ක්ෂය රෝග දිනය අදට යෙදී ඇත.“හඳුනානොගත් රෝගීන් 4000ක් අප අතර, හඳුනාගනිමු, ප්‍රතිකාර කරමු, සැමට සුවය සදමු“ යන්න මෙවර ලෝක ක්ෂය රෝග දිනයේ තේමාව යි.