ගෝල්ඩන් කී තැන්පත්කරුවන්ට එම මුදල් ආපසු ගෙවිය යුතු යැයි ලලිත් කොතලාවල මහතා අදටත් පැවසුවද තැන්පත්කරුවන්ගේ සංගමයේ නියෝජිතයන් ආපසු ගෙවීමේ එම ක්‍රමවේදයට නිසි සහායක් නොදෙන බවට නීතිඥ දර්ශන කුරුප්පු මහතා කොළඹ මහාධිකරණයේදී ඊයේ (12) පැවසීය.
ලෝක කුසලාන ක්‍රිකට්‌ තරගාවලියේ සමාරම්භය ඊයේ (12 දා) නවසීලන්තයේ ක්‍රයිස්‌චර්ඩ් හිදී නවසීලන්ත සංස්‌කෘතිකත්වය විදහා පාමින් විචිත්‍රවත් ලෙස පැවැත්වුණි.
කොළඹ නගරයේ මුහුද ගොඩකර ඉදිකිරීමට යන වරාය නගර (පෝට්‌ සිටි) ව්‍යාපෘතිය නතර කිරීමට රජය පියවර නොගතහොත් එය ජනතා විමුක්‌ති පෙරමුණ විසින් නතර කිරීමට කටයුතු කරන බවට සහතික වන්නේ යෑයි ජවිපෙ නායක අනුර කුමාර දිසානායක මහතා කීය.
මහින්දට ලැබුණු ලක්ෂ 58ම පෞද්ගලික ඡන්ද නොවේ - නිමල් සිරිපාල
හිටපු ජනාධිපති මහින්ද රාජපක්ෂ මහතා පසුගිය ජනාධිපතිවරණයේදී ලබාගත් ලක්ෂ 58 ක ඡන්ද ඔහු පෞද්ගලිකව ලැබූ ඒවා නොවන බව විපක්ෂ නායක නිමල් සිරිපාල ද සිල්වා මහතා පැවසීය. “ඩේලි නිව්ස්” පුවත්පතට දුන් සම්මුඛ සාකච්ඡාවේදී විපක්ෂ නායකවරයා මේ බව පැවසීය.
කොළඹ රාජකීය විද්‍යාලයයේ ආදී සිසුන් වන අගමැති රනිල් වික්‍රමසිංහ ඇතුළු අමාත්‍යවරුන් කිහිප දෙනකු පිළිගැනීමේ උත්සවයක් අද (12) උදෑසන පැවැත්විණ.
මැයි 18 විජයග්‍රහණ පෙළපාලිය, රණවිරු උපහාර උළෙලක් කරයි
පසුගිය ආණ්ඩුව විසින් මැයි මස 18 වන දින පවත්වාගෙන ආ එල්ටීටීඊයට එරෙහිව කළ යුද්ධය ජය ගැනීම වෙනුවෙන් සිදු කෙරුණු 'යුධ විජයග්‍රහණය' සැමැරීමේ සංදර්ශනාත්මක නාස්තිකාර උත්සවය මෙම වසරේ සිට 'රණවිරු උපහාර' උළෙලක් ලෙස පැවැත්වීමට ආණ්ඩුව තීරණය කර තිබේ.
පලාලි අධි ආරක්ෂිත කලාපයෙන් අක්කර 1000ක් නිදහස් කෙරේ
පලාලි අධි අරක්ෂිත කලාපය යටතේ ගුවන් හමුදා පාලනය යටතේ වන අක්කර 6,152ක භූමී භාගයෙන් අක්කර 1000 ක් අදියර කිහිපයක් යටතේ නිදහස් කිරීමට කැබිනට් මණ්ඩලය තීරණය කර තිබේ.
පසුගිය රජය සමයේදී වූ මහා පරිමාන දූෂණ වංචා කටයුතු විමර්ශනය සහ ඒවට වගකිව යුතු පුද්ගලයන්ට එරෙහිව නීතිය ක්‍රියත්මක කිරීම සඳහා අගමැතිවරා විසින් පත් කෙරුණු කමි‍ටුව සඳහා ලේකම් කාර්යාලයක් පිහි‍ටුවීමට කැබිනට් මණ්ඩලයේ අනුමැතිය හිමිව තිබේ.
