දෙමළ ඩයස්පොරා ප්‍රමුඛ සංවිධානයක් වන ගෝලිය සංසදයේ නියෝජිතයන් මෙම සාකච්ඡාවට සහභාගී වී ඇති අතර ඉන් අනතුරුව ගෝලීය දෙමළ සංසදයේ සුරේන් සුරේන්ද්‍රන් හා දෙමළ ජාතික සන්ධානයේ පාර්ලිමේන්තු මන්ත්‍රී සුමන්දිරන් විසින් කළ ඒකාබද්ධ නිවේදනයෙන් පසුව මෙම ගැ‍ටුම් වර්ධනය වීමට හේතු වී තිබේ. යුරෝපයේ දෙමළ ඩයස්පොරාව 'ශ්‍රීලංකා ඩයස්පොරාව' ලෙස එම නිවේදනයේ සඳහන් වීම හේතුවෙන් මත ගැ‍ටුම්ද හට ගෙන ඇත. මීට පෙර ඔවුන් හැඳින් වූයේ දෙමළ ඊලාම් රාජයයේ පුරවැසියන් ලෙසය.
කෙසේ නමුත් මෙම සාකච්ඡාවෙන් වෙනම රාජ්‍යයක් සඳහා ඩයස්පොරාවෙන් නැගුනු ඉල්ලීම දුර්වල කිරීමට සමත් වී ඇති අතර උග්‍ර එල්ටීටීඊ හිතවාදී සංවිධානයක් වූ ගෝලීය දෙමළ සංසදය ශ්‍රි ලංකා රජය හා සහයෝගයෙන් කටයුතු කිරීම සඳහා නම්‍යශීලී වීම කැපී පෙනෙන සිදුවීමක් වී තිබේ.
