ජනාධිපතිවරයා සුබ නැකත් සුබ පල පිළිබදව වැඩි සැලකිල්ලක් දක්වන හා තද බල ලෙස ඒවා විශ්වාස කරන බව නොරහසකි.ඒ නිසාම මැතිවරණ ත්‍යාගයක් ලෙස ලිතක් බෙදා හැරීමට සිතුවිල්ලක් පහළ වන්නට ඇත. මැතිවරණය ඉලක්ක කර නව වසර සඳහා ආර්ථික සංවර්ධන අමාත්‍යාංශය ජනාධිපතිවරයාගේ රුව සහිතව ලිතක් බෙදා හැරීමට සූදානම් වන බවට ජනතා විමුක්ති පෙරමුණ තවත් පැමිණිල්ලක් මානව හිමිකම් කොමිසමට ඉදිරිපත් කර ඇත.

මෙරට ජනතාවගෙන් අවස්ථාවාදී දේශපාලනයට ඉඩ නොලැබෙන බව ජනාධිපති මහින්ද රාජපක්ෂ මහතා ප‍්‍රකාශ කළේය. ජනාධිපතිවරයා කියා සිටියේ කිසි දිනක තමා අතහැර නොගිය මෙරට ජනතාව මෙවර ජනාධිපතිවරණයේදීද තමා සමග සිටින බවය.

හම්බන්තොටදී හා කුරුණෑගලදී කලාකරුවන් පිරිසකට නාමල් රාජපක්ෂ විසින් මෙහෙයවන නිල්බලකා මැර කල්ලිය විසින් එල්ල කළ ප්‍රහාරය සම්බන්ධයෙන් නිවේදනයක් නිකුත් කරන ජනාධිපතිවරයාගේ සංගීත උපදේශක රෝහණ වීරසිංහ තව දුරටත් මෙම ප්‍රහාරකයන් ආරක්ෂ කිරීමට ඉදිරිපත්ව තිබේ. ඔහුට තිබෙන වේදනාව තමන්ගේ ජීවීතේ වැඩිම කාලයක් තමා සමඟ එකට වැඩ කළ මිතුර වන ලක්ෂ්මන් විජේසේකරට හා එම දියනියට හෝ තමාගේම දරුවන් වැනි වූ තරුණ කලාකරුවන්ට එල්ල කළ ප්‍රහාරය නොවේ. මේ මෘග පාලනය මෙහෙයවන ජනාධිපති රාජපක්ෂගේ "කීර්ති නාමය"කෙළසීම ගැනය.

ඡන්ද ප්‍රකාශ කිරීමේ අවස්‌ථාවේ සිට අවසන් ප්‍රතිඵලය නිකුත් වන තෙක්‌ ක්‍රියාවලිය තුළ කිසිදු ආකාරයක දූෂිත ක්‍රියාවක්‌ සිදු වීමට කිසිසේත්ම ඉඩක්‌ නොමැති බව මැතිවරණ කොමසාරිස්‌ මහින්ද දේශප්‍රිය මහතා පැවසීය.

අයවැයෙන් පොරොන්දු වූ ආකාරයට ගුරු හා විදුහල්පති උසස්‌ වීම් ලබා නොදීමට එරෙහිව නව පාසල් වාරය ආරම්භයේදී වැඩවර්ජනය කිරීමට ගුරු හා විදුහල්පති වෘත්තීය සංගම් එකමුතුව තීරණය කර ඇත.