විමල් වීරවංශ අමාත්‍යවරයාගේ පාලන සමයේ ශ්‍රී ලංකා රාජ්‍ය ඉංජිනේරු සංස්ථාවේ කලක් සාමාන්‍යාධිකාරී වශයෙන් කටයුතු කළ එම්.ආර් ජෙයචන්ද්‍රන් මහතා මෛත්‍රී පාලනය යටතේද ඉංජිනේරු සංස්ථාවේ නිසි බලධරයකු ලෙස පත්කර එවා ඇතැයි වාර්ථාවේ.
නුවර සිට කොළඹ දක්වා අන්තර් විශ්වවිද්‍යාලයීය ශිෂ්‍ය බලමණ්ඩලය මඟින් පැවැත්වූ පා ගමන අතරතුර ශිෂ්‍යයන් දෙදෙනෙකු මියයාම රිය අනතුරකින් සිදු වූ බව ඒත්තු ගැන්වීමට ඝාතකයින් උත්සහ කලද පැහැදිලි ලෙසම එය සංවිධානය කළ කල ඝාතනයක් බව අන්තර් විශ්වවිද්‍යාලයීය ශිෂ්‍ය බල මණ්ඩලය අද(26) මාධ්‍ය සාකච්ඡාවක් පවත්වමින් පැවසුවේය.
ජනාධිපතිවරණ සමයේ මෛත්‍රීපාල සිරිසේන සහ රනිල් වික්‍රමසිංහ යන දෙදෙනා අත්සන් කළ ගිවිසුමක් බවතින බවට තිස්ස අත්තනායක මහතා ඉදිරිපත් කළ ලිපිය සම්බන්ධයෙන් 'ප්‍රශ්නගත ලේඛන පිළිබදව රජයේ පරීක්ෂකවරයාගේ වාර්තාව'(EQD) ඉදිරි සතියේ අධිකරණයට ඉදිරිපත් කිරීමට නියමිතය.
වකුගඩු රෝගීන් සඳහා ලබා දෙන මාසික දීමනාව අද (26)සිට ලබා දීමට නියමිතය. පළමු අදියර යටතේ රෝගීන් දහසක් වෙනුවෙන් මෙම දීමනාව ලබා දෙන බව සමාජ සේවා හා සමාජ සුභ සාධන අමාත්‍ය පී. හැරිසන් මහතා ප‍්‍රකාශ කලේය. ඒ අනුව වකුගඩු රෝගයට මුහුණ පා සිටින රෝගියෙකු වෙනුවෙන් රුපියල් තුන් දහසක මාසික දීමනාවක් ලබා දෙනු ඇත.
නීති විරෝධි ලෙස ලග තබා ගෙන සිටින අලි පැටවුන් වන ජීවි දෙපාර්තමේන්තුව වෙත ලබා දීමට පරිවාස කාලයක් ලබා දී ඇති බව සංචාරක නියෝජ්‍ය අමාත්‍ය වසන්ත සේනානායක මහතා පවසයි.
ලිංගික අපචාරකරුවකු වූ හිටපු IMF ලොක්කට කබ්රාල් පඩි ගෙවලා
ලිංගික අපචාර චෝදනා මත ධුරයෙන් ඉවත්වීමට සිදුවූ ජාත්‍යන්තර මූල්‍ය අරමුදලේ හිටපු ප්‍රධානී ඩොමිනික් ස්ට්‍රවුස් ඛාන්ට රුපියල් කෝටි ගණනක මුදලක් ගෙවමින් ඔහු ශ්‍රී ලංකා මහ බැංකුවේ උපදේශකයෙකු ලෙස පත් කරගෙන සිට ඇති බව ප්‍රතිපත්ති සම්පාදන හා ආර්ථික කටයුතු අමාත්‍යාංශ ආරංචි මාර්ග සඳහන් කරයි.
