පාර්ලිමේන්තු මන්ත්‍රී ජයන්ත කැටගොඩ මහතා ඉල්ලා අස්වන්නේ නම් ජෙනරල් සරත් ෆොන්සේකා මහතාට එම පාර්ලිමේන්තු අසුන ලබා ගැනීමේ නීතිමය හැකියාවක් පවතින බව මැතිවරණ කොමසාරිස්වරයා පවසයි.

පැවති ජනාධිපතිවරණයෙන් පසුව ශ්‍රී ලංකාව තුළ වෙනස් වූ මානව හිමිකම් වාතාවරණයක් පැවැත්වීම වැදගත් හා විශිෂ්ඨ කරුණක් බව එක්සත් ජාතින්ගේ සංවිධානයේ අැමරිකානු තානාපතිනී සැමැන්තා පවර් පවසයි.

ශ්‍රී ලංකා නිදහස් පක්ෂයේ ජාතික සංවිධායකවරයා ලෙස හිටපු අමාත්‍ය සුසිල් ප්‍රේමජයන්ත මහතා පත් කර ඇත.

අද දින(14) කොළඹ ශ්‍රාවස්තිය ශාලාවේදී ශ්‍රීලංකා නිදහස් පක්ෂයේ හා එක්සත් ජනතා නිදහස් සන්ධානය නියෝජනය කරන තවත් පක්ෂ කිහිපයක පළාත් සභා මන්ත්‍රීවරු පිරිසක් විසින් ඉදිරි දේශපාලනය සම්බන්ධයෙන් පැවැත්වූ සාකච්ඡාවක් කාඩකප්පල් කිරීමට රාජපක්ෂ මන්වාදී මන්ත්‍රීවරු පිරිසක් විසින් කටයුතු කර ඇති බව වාර්තාවේ.

අපරාධ පරීක්ෂණ දෙපාර්තමේන්තුවට පසුගිය 10 වන දා පාර්ලිමේන්තු මන්ත්‍රී දුමින්ද සිල්වා මහතාව පළමු වරට කැඳවූ බවට මාධ්‍ය වාර්තා පළ වුවද සැබවින්ම සිදුව ඇත්තේ එදින උදැසන 7 ට පමණ එම දෙපාර්තමේන්තු නිළධාරීන් දුමින්ද සිල්වාගේ නිවසට ගොස් ඔහුව අත් අඩංගුවට ගැනීම බව වාර්තාවේ.

නව රජය ගෙන යන දින සියයේ වැඩ පිළිවෙලට සහයෝගය ලබා දෙන බව ජගත් මහලේකම් බෑන්කි මුන් මහතා පවසයි. වගවීම සහ සංහිදියාව පිළිබඳ මුල්තැනක් ලබාදී කටයුතු කීරීමට සූදානම් බව ජගත් මහ ලේකම්වරයා පෙන්වා දේ.

පසුගිය දා නෙත් නාලිකාවේ බැලුම්ගල නම් වැඩසටහන මගින් වැලිකඩ සමූහ මිනිස් ඝාතනය සම්බන්ධයෙන් වාර්ථා වැඩසටහනක් විකාශය වූ අතර ඒ වැඩ සටහන මගින් ඔවුන් කියන්නට උත්සහ කළේ මේ රැදවියන් ඝාතනය පිටුපස සිටින්නේ සිංහල කොට් බවත්,එන්.ජී.ඕ නඩයක් බවත් මේ නිසා මෙය රටට එරෙහි කුමන්න්‍රණයක් වන බවත්ය.