අද මව්බිම පුවත් පත අද ප්‍රධාන සිරස්තලය ලෙස සඳහන් කරන්නේ බැඳුම්කරේ මිලියන හැත්තෑපහක් රනිල්ගේ ගෙදරටම ගිහින් දුන්නා - ඇලෝසියස් "මව්බිමට" කියයි මැයෙන් යුතු පුවතය. ඒ අනුව විවාදාත්මක මහබැංකු භාණ්ඩාගාර බැඳුම්කර ගනු දෙනුවේ ප්‍රධාන චුදිතයා වන අර්ජුන් ඇලෝසියස් එජාප නායක රනිල් වික්‍රමසිංහට රුපියල් මිලියන 75 ක මුදලක් ඔහුගේ අතටම බාර දී ඇතැයි පැවසේ. ඒ 2015 ජුලී 23 වන දිනය.

ඊයේ(24) පැවැති පොදුජන පෙරමුණේ තරුණ සමුළුවේ ප්‍රධාන නිවේදකයන් ලෙස මුල්‍ය අපරාධ චෝදනා සහ වෙනත් අපරාධ චෝදනා එල්ල වී ඇති දිළුම් අමුණුගම සහ සේනානි සමරනායක නැමැති දෙදෙනාව සහභාගී කරවීම සිතා මතාම සිදු කළ කඩාකප්පල්කාරී ක්‍රියාවක් යැයි ගෝඨාභය පාර්ශ්වයේ මිලිටරි පාර්ශ්වකරුවන් පිරිසක් එම සංවිධාන කටයුතු සිදු කළ අයට චෝදනා කර තිබේ.

එක්සත් ජාතික පක්ෂය සම්බන්ධයෙන් බොහෝ වාමාංශික කියවීම් වල ඇත්තේ එය ලිබරල් නැතිනම් නව ලිබරල් දේශපාලන පක්ෂයක් බවය. නමුත් මෙය අර්ධ සත්‍යයකත් අර්ධ සත්‍යයයකි. එක්සත් ජාතික පක්ෂය ලිබරල් ගතිගුණැතිව සිටින බව පෙන්විය හැකිවාක් මෙන්ම ඒහා සමානව අනෙකුත් දේශපාලන පක්ෂවලද මේ ලිබරල් ගතිගුණ දකින්නට ලැබේ. වාමාංශික පක්ෂ පවා අද ලිබරල් දේශපාලනය විසින් ඉල්ලා සිටිනු ලබන ඉලක්ක ඔස්සෙ පෙළ ගැසී තිබේ.

මිනිසුන්ගේ ආගම ඇදහීමේ නිදහස එකකි. එහෙත් ආගමික බලහත්කාරය තව එකකි. මේ රටේ මෑත දේශපාලන ඉතිහාසය සලකා බැලීමේ දී රටේ පැවතිය යුතු සාමය සමාදානය කෙලසා දැමුවේ කහකඩධාරී මුග්ධ පූජක පැලැන්තිය බව අවධාරණයෙන් කිව යුතුය. රටට අද මහ කොඩිවිනයක්ව තිබෙන්නෙ මේ මුග්ධ කහකඩධාරීන්ගේ ත්‍රස්තවාදී බලහත්කාරයයි.

එක්සත් ජාතික පක්ෂයේ නායකත්වය නොකඩවා වසර 25ක් තිස්සෙ හොබවමින් සිටින රනිල් වික්‍රමසිංහගේ දේශපාලන ගමනෙහි අවසන් පරිච්ඡේදය දැන් ලියවෙමින් පවතී. එදා මෙදා තුර රනිල් වික්‍රමසිංහගේ නායකත්වයට කළ අභියෝග සියල්ල ඔහු ජයගත්තේය. එහෙත් අළු යට තිබූ ගිණි පුපුරු නිවීමට ඔහු සමත් නොවීය. ඒ විටෙන් විට ගිණි පුපුරු විසි කරමින් යළි යළිත් මතුව ආවේය. මේ ගෙවෙන්නේ ඒ ගිණි පුපුරු විසින් යළිත් ඇතිකළ මහ ගින්නක් පැතිර යමින් තිබෙන මොහොතකි.

රුපියල් මිලියන 29,000 ක දැවැන්ත ආයෝජනකින් ඉදිවුණු ශ්‍රිලංකාවේ විශාලතම වෘත්තීය පුහුණු ආයතනය පසුගිදා අගමැති රනිල් වික්‍රම්සිංහ අතින් විවෘත කෙරිණි.

මෙවර ජනාධිපති අපේක්ෂකයකු ලෙස ඉදිරිපවන බව කියන නීතිඥ නාගානන්ද කොඩිතුවක්කු තමා ජනාධිපතිවීමත් සමඟ සම්මත වන බව කියන ස්වයංජාත ව්‍යස්ථාව සම්බන්ධයෙන් මේ වන විට යම් කතා බහක් ඇතිව තිබේ. මෙරට අදට බලපැවැත්වෙන 1978 ආණ්ඩුක්‍රම ව්‍යවස්තාව සම්බන්ධයෙන් එය පැනවීමටත් පෙර සිට විවේචන එල්ල වූ අතර මේ වන විට 19 වතාවක් සංශෝධනයටද ලක්ව තිබේ.