මෙවර ජනාධිපතිවරණයේදී නිර්පාක්ෂිකව සිටීමට ජනාධිපති මෛත්‍රීපාල සිරිසේන තීරණය කර තිබේ. ඒ අනුව එම කාලය තුළ එනම්, නොවැම්බර් 18 දා දක්වා ශ්‍රීලනිප සභාපති තනතුරේ වැඩ ආවරණය කිරීම සදහා මහාචාර්ය රෝහණ ලක්ෂ්මන් පියදාස පත් කර තිබේ.

නූතන ශිෂ්ඨ සමාජයේ ප්‍රජාතන්ත්‍රවාදී දේශපාලන භාවිතය හුරු නැති අයෙක් ලෙස නන්දසේන ගෝඨබය සිය නාමය දැන් තරුණ ප්‍රජාව අතර සලකුණු කර හමාරය. පසුගිය දින කිහිපයේදී මේ විපර්යාසය සිදුවිය.

පොදුජන පෙරමුණේ ජනාධිපති අපේක්ෂක නන්දසේන රාජපක්ෂගේ ද්විත්ව පුරවැසිභාවය ප්‍රශ්න කරමින් අභියාචනාධිකරණය හමුවේ සලකා බැලු පෙත්සම සම්බන්ධයෙන් අභියාචනාධිකරණය ලබා දුන් තීන්දුව වූයේ එම පෙත්සම ප්‍රතික්ෂේප කිරීමය. ඒ අනුව නන්දසේන රාජපක්ෂට මෙරට ද්විත්ව පුරවැසිභාවය ලබා දීමට එවක ජනාධිපති මහින්ද රාජපක්ෂ කටයුතු කිරීම නිත්‍යානු කූලය.

පසුගිය පාස්කු ඉරිදා ප්‍රහාරය වැනි ආගමික සිද්ධස්ථාන ඉලක්ක කරගෙන බෝම්බ ප්‍රහාරයක් එල්ල වෙනු ඇති බවට ලැබී ඇති තොරතුරු සම්බන්ධයෙන් ආරක්ෂක අමාත්‍යංශය විශේෂ පරීක්ෂණයක් ආරම්බ කර ඇති බව දැනගැනීමට තිබේ. මේ සම්බන්ධ තොරතුරු කාදිනල් මැල්කම් රංජිත් හිමිපාණන් විසින් ආරක්ෂක අංශ වෙත දැනුම් දීමක් සිදු කිරීමෙන් පසුව මෙම විමර්ශන කටයුතු අරම්බ වී ඇත.

නන්දසේන ගොඨාබය මෙරට ද්විත්ව පුරවැසි භාවය ඉල්ලුම් කිරීමේදී ආගමන හා විගමන දෙපාර්තමේන්තුවට ලබා දී තිබිය යුතු ලේඛන කිසිවක් එම දෙපාර්තමේන්තුව සතුව නොමැති බව අද ආගමන විගමන දෙපාර්තමේන්තුව අධිකරණයට දන්වා තිබිණි..මේ ලේඛන මොනවාද? ද? සහ එය අයදුම් කරන පිළිවෙල ගැන පහත විස්තරයක් සඳහන් වේ.

පොදු ජන පෙරමුණේ ජනාධිපති අපේක්ෂකයාට එරෙහිව අධිකරණමය ක්‍රියාමාර්ග ගැනීමට පාර්ශ්ව කිහිපයක්ම කටයුතු කිරීම ගැන ගොට්ටන් නඟන එක් ප්‍රධාන මැසිවිල්ල වී ඇත්තේ ගෝඨා දිනන නිසා එය වැලැක්වීමට අධිකරණය හරහා කටයුතුකරන බවය. මෙය තාක්ෂණික කාරණා මතු කර කරන තකකඩි වැඩක් බවත් වැඩි දුරටත් සඳහන්ව තිබේ. එපමණකින් නොනැවතී නන්දෙගේ සුදුසුකම ජනතාවගෙ ඡන්දයෙන් විමසා බැලිය යුතු බවත් යෝජනා වී තිබිණි.

පොදුජන පෙරමුණේ ජනාධිපති අපේක්ෂක නන්දසේන ගෝඨාභයට එල්ල වී ඇති කූට ලේඛන චෝදනා සහ අමරිකානු පුරවැසිභාවය සම්බන්ධ චෝදනා නිසා නාම යෝජනා භාර දීම සිදුකිරීමට නොහැකි වුවහොත් ඒ සඳහා විකල්ප අපේක්ෂකයකු ‍තෝරා ගැනීමේ සාකච්ඡාවක් මේවන විට පොදුජන පෙරමුණට සම්බන්ධ පක්ෂ නායකයත් අතර පැවැත්වෙමින් තිබේ.