එන්නත්කරණය තුළින් ලෝකයේ ධනවත් රටවල් 4ටත් එහා ගිය ප්‍රමුඛ රටක් ලෙස ශ්‍රී ලංකාව පත්ව තිබීම සතුටුදායක තත්වයක් බවයි මහනුවර පැවති වැඩසටහනකට එක්වෙමින් අමාත්‍යවරයා කියා සිටියේ.
කෙරෝනා වසංගතය මෙරටින් තුරන් කිරීමට ඉදිරි මාස කිහිපය තුල හැකියාවක් ලැබෙනු ඇති බවට තමන් ඉතා දැඩිව විශ්වාස කරන බවද සෞඛ්‍ය අමාත්‍යවරයා මෙහිදී කියා සිටියා.
මේ අතර සංචරණ සීමා සම්බන්ධයෙන් ඉදිරි තීරණ ගනු ලබන්නේ රට විවෘත කිරීමෙන් පසු ගත වන සති කිහිපය සලකා බැලීමෙන් බව සෞඛ්‍ය බළධාරීන් පවසනවා.
නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා අවධාරණය කළේ වත්මන් තත්ත්වය තුළ කොවිඩ් ව්‍යාප්තිය යළි ඉහල ගියහොත් එය පාලනය කරගත නොහැකි තත්ත්වයක් දක්වා වර්ධනය විය හැකි බවයි.
-පංචාලි අබේසේකර
