දෙමළ ජාතික සන්ධානයේ පාර්ලිමේන්තු මන්ත්‍රී නඩරාජා රවිරාජ් ඝාතන සැකකරුවන් තවදුරටත් රක්ෂිත බන්ධනාගාර ගතකරන ලෙස අද(19) නියෝග කර තිබේ.
විල්පත්තු ජාතික වනෝද්‍යානයට උතුරින් පිහිටි කල් ආරු වනාන්තරය නැතහොත් මරිච්චුක්කඞ්ඩෙයි - කරඩික්කුලි වන රක්ෂිතයේ අක්කර 3000 ක් පමණ නීතිවිරෝධී ලෙස එළි පෙහෙළි කර අලූතින් ජනාවාස පිහිටුවීම හා ඉඩම් අත්පත් කර ගැනීමේ කටයුතු දිගින් දිගට ම සිදු කරද්දී ආණ්ඩුපක්ෂය හෝ වන සංරක්ෂණ දෙපාර්තමේන්තුව ප්‍රධාන රාජ්‍ය ආයතන ඊට එරෙහිව මෙතෙක් කිසිදු නීතිමය ක්‍රියාමාර්ගයක් නොගැනීම විශාල ගැටලූවකි. 2010 වසරේ සිට නීතිවිරෝධි ලෙස ආරක්ෂිත වනාන්තර එළි පෙහෙළි කරමින් සිදු කළ මෙම ජනාවාස පිහිටුවීමේ කටයුතු අද වන විට දේශපාලකයන් විසින් මහා පරිමණ ඉඩම් අත්පත් කර ගැනීම දක්වා වර්ධනය වී ඇතත් එ් පිළිබඳව නිසි අවධානයක් යොමු නොවීම කණගාටුවට කරුණකි.
පසුගිය රාජපක්ෂ අාණ්ඩුව විසින් සිදු කළ වංචා දූෂණ නිමක් නැති බව රන්ජන් රාමනායක මහතා පවසයි.ඔහු මේ බව පැවසුවේ ඊයේ(18) පැවති මාධ්‍ය හමුවකට එක්වෙමිනි. රාජපක්ෂ පුතුන් ලැම්බෝගිනි පාවිච්චිකළ අාකාරය තමන් හොදින් දන්නා බවත් ඔහු පැවසුවේය.
ඕනෑම ගුවන් සේවයක පැමිණිය හැකි පරිදි මත්තල ජාත්‍යන්තර ගුවන්තොටුපල සඳහා නිදහස් ගුවන් ප්‍රතිපත්තියක් අනුගමනය කිරීමට සිවිල් ගුවන්සේවා අමාත්‍යාංශය තීරණය කර තිබේ.
අධි සාන්ද්‍ර හයිඩ්‍රජන් පෙරොක්සයිඩ් බෝතල් 1500ක් අල්ලයි
අධික සාන්ද්‍රණයෙන් යුතු හයිඩ්‍රජන් පෙරොක්සයිඩ් බෝතල් 1500ක් පාරිභෝගික කටයුතු පිළිබඳ අධිකාරිය සොයාගෙන තිබේ. මේවාමාලබේ ප්‍රදේශයේ ඖෂධ සමාගමකින් නිෂ්පාදනය කර වෙළඳපළට බෙදාහැර අැත.
එක්සත් ජනතා නිදහස් සන්ධාන පාර්ලිමේන්තු මන්ත්‍රී සජින් වාස් ගුණවර්ධන මහතා ඉදිරිපත් කළ ඇප පෙත්සම ජූලි මස 03වනදා කැඳවීමට කොළඹ මහාධිකරණය තීරණය කර තිබේ.තමන්ව ඇප මත මුදාහරින ලෙස ඉල්ලා සජීන් වාස් විසින් මෙම අැප පෙත්සම ඉදිරිපත් කර තිබේ.
මූල්‍ය අපරාධ විමර්ශන කොට්ඨාසයේ අධ්‍යක්ෂ රවී වෛද්‍යාලංකාර මහතා හා අපරාධ පරීක්ෂණ දෙපාර්තමේන්තුවේ අධ්‍යක්ෂ ආර්. බී සෙනෙවිරත්න යන මහත්වරුන් ජ්‍යෙෂ්ඨ නියෝජ්‍ය පොලිස්පතිවරුන් ලෙස උසස් කර තිබේ.
අද (19)රාත්‍රියේ පාර්ලිමේන්තුව විසුරුවීමට ජනාධිපති මෛත‍්‍රීපාල සිරිසේන මහතා තීරණය කර අැති බව දේශපාලන අාරංචිමාර්ග පවසයි.
