ඒ අනුව ගොවින්ගෙන් මිලට ගන්නා නිෂ්පාදන කෘෂිකර්ම දෙපාර්තමේන්තුව හරහා ක්‍රියාත්මක වැඩපිළිවෙලක් ඔස්සේ වෙළෙඳුන්ට ලබාදීමට සැලසුම්කර ඇති බවයි කෘෂිකර්ම අමාත්‍යාංශය සඳහන් කරන්නේ.
මේ පිළිබඳව කෘෂිකර්ම අමාත්‍ය මහින්දානන්ද අලුත්ගමගේ විසින් නාරාහේන්පිට ආර්ථික මධ්‍යස්ථානයේ දී වෙළෙඳ අංශ සමඟ විශේෂ සාකච්ඡාවක් පවත්වා ඇති අතර එහිදී ගොවිජන සේවා මධ්‍යස්ථානවලින් මිලට ගන්නා නිෂ්පාදන රජය මඟින් සුරක්ෂිත ඇසුරුම්වල බහා අදාළ ආර්ථික මධ්‍යස්ථානවල වෙළෙඳුන්ට සාධාරණ මිලට අලෙවියට ලබාදීමට මෙහිදී එකඟතාව පළවු බව කෘෂිකර්ම අමාත්‍යාංශය පවසයි.
එසේම එම වෙළඳුන් ඉතා සාධාරණ මිල පරතරයක් සහිතව පාරිභෝගිකයාට අදාළ නිෂ්පාදන අලෙවි කිරීමද ඊට අදාළ මිල ගණන් ප්‍රදර්ශනය කිරීමද අනිවාර්යය වන බවයි සදහන් වන්නේ.
එමෙන්ම ප්‍රධාන සහල් නිෂ්පාදකයන්, ධීවර සංස්ථාව, මස් හා බිත්තර වෙළෙඳුන් ද ආර්ථික මධ්‍යස්ථානවලට යෙදවීමට තීරණය කරඇති අතර පාලන මිලට එම වෙළෙඳාම් සිදුකිරීමට අදාළ චක්‍රලේඛ නිකුත්කොට මිල ගණන් ප්‍රදර්ශනය කිරීමට ද සැලසුම් කර ඇති බව වාර්තාවේ.
