ඒ අනුව, පොදු ප්‍රවාහනයේදී අසුන් ප්‍රමාණයට පමණක් මගීන් රැගෙන යාම අනිවාර්ය කර ඇති අතර කිසිදු මගියෙකුට සිටගෙන ගමන් කළ නොහැකි බවයි එහි සඳහන් වන්නේ. එලෙස කටයුතු නොකරන පුද්ගලයින්ට එරෙහිව නිරෝධායන සහ රෝග වැළැක්වීමේ ආඥා පනතේ විධිවිධාන ප්‍රකාරව කටයුතු කළ යුතු බව ද අදාළ නිර්ණායකවල ඇතුළත්.
එසේම පවතින අර්බුදය හේතුවෙන් බස්නාහිර පළාතේ රැඳී සිටින පුද්ගලයින් හැකිතාක් සංචරණ කටයුතු සීමාකරන ලෙස ප්‍රධාන වසංගත රෝග විද්‍යාඥ විශේෂඥ වෛද්‍ය සුදත් සමරවීර මහතා ජනතාවගෙන් ඉල්ලීමක් කර තිබෙනවා. ඒ බස්නාහිර පළාතේ කොවිඩ් රෝගීන් බහුල ලෙස හමුවීමත් සමග බස්නාහිර පළාත දැඩි අවදානමක පවතින බවයි ඔහු සදහන් කරන්නේ.
