අභිනව ජනමාධ්‍ය සහ මුදල් අමාත්‍ය මංගල සමරවීර වෙතය...,
යහපාලනය යටතේ දඩාවතේ යන්නටලු රාජ්‍ය ආයතනයක් ගැන ලියන්නට ගත් නිසාත්, මේ මහා ජාතික අපරාධය සිදුවෙමින් තිබෙන්නේ මහ දවාලේ නිසාත් මේ ලියන ලියමනට බුද්ධ ධම්ම සංඝ සරණ යොදා ආශීර්වාද කරන්නට සිත්දෙන්නේ නැත. එනිසා වැඩි අටුවා ටීකා නැතිව මාතෘකාවට ඒම වැදගත් යැයි සිතේ.
පාලිත තෙවරප්පෙරුම නම් කළුතර දිස්ත්‍රික් පාර්ලිමේන්තු මන්ත්‍රීවරයා...නැත්නම් ව්‍යවස්ථාදායක සභාවේ මහජන නියෝජිතයා.. සරම කැහැපොට ගසා ගෙන ගංවතුර අස්සට පැන එහෙ මෙහෙ දුවමින් කළ කී දෑ සම්බන්ධයෙන් සමාජ ජාලා කැළැඹීමට පත්ව තිබෙනු පහුගිය දින දෙකෙදී දකින්නට ලැබිණි. තෙවරප්පෙරුමගේ ව්‍යායාමය අගය කරන්නන් බිහි වෙත්ම ඊට පෙරලා පහර දෙන්නගේ ප්‍රමාණය ඊටත් වඩා වැඩිවිය.
‘කව්බෝයි භික්ෂූන්’ සහ බියගුළු ජනාධිපතිකමක් - අමීර් අලි
ශ්‍රී ලංකාවේ සංඝ රත්නයේ සුළුතරයකගේ නින්දිත හැසිරීම අතිශය බරපතල ප්‍රශ්නයක් බවට පත්වෙමින් තිබේ. බලධාරීන්ගේ නිසි සැලකිල්ලට ලක්නොවී එම තත්වය නිදහසේ වර්ධනය වීමට ඉඩ හැරියොත් තවත් වාර්ගික ප්‍රචණ්ඩත්වයක් සහ ලේ හැලීමක් දක්වා රට තල්ලු කිරීමට නිසැකවම එය හේතුභූත වෙනවා ඇත. කහ සිවුරු පොරවා ගත් මේ ‘කව්බෝයි’ පන්නයේ භික්ෂූන්ට රටේ සිටින ඇතැම් දේශපාලනික කණ්ඩායම් පිටුබලය සපයන බව ප්‍රසිද්ධ රහසකි.
ඥානසාරගේ හිඟන වැඩ ෂෝක්.. ඔහොම්ම යන්න..වෙන පැවැත්මක් නැත.
කහකඩ ධාරී ඥානසාර සහ ඔහුගේ බොදු බල සේනා සංවිධානයට මේ දිනවල අරමුදල් හිඟය. රාජපක්ෂ කාලයේදී නම් ඒවා රාජපක්ෂවරු විසින් සපයා තිබූ බව වාර්තා වී තිබේ. එහෙත් දැන් රාජපක්ෂලා තමන්ගේ අතින් වියදම කරගෙන හරක් බලන්නෙ නැත. රාජපක්ෂ සමයේදී ලැබුණා වූ වරප්‍රසාදයන් කොන්ත්‍රාත් ටෙන්ඩර් ජාවාරම් කොමිස් මේ ආණ්ඩුවෙන් ලැබෙන්නේ නැති වීම නිසා තමන්ට වගතුවක් වෙන්නෙ යළි රාජපක්ෂලා බලයට පැමිණ විට පමණකැයි කල්පනා කරන පිරිස් තමගේ අතින් වියදම් කරගෙන හෝ රාජපක්ෂලාව බලයට ගෙන ඒමට දැඩි උත්සාහයක් දරමින් සිටී.
කැබිනට් සංශෝධනය කොට්ට මාරුකිරීමක් නොවන්නට . . .- රොහාන් සමරජීව
වෙසක් පෝයට පෙර අමාත්‍ය මණ්ඩලය සංශෝධනය කිරීමට ජනාධිපතිවරයාට අවශ්‍යතාවයක් ඇතැයි පැවසුනත් කුමන හේතුවක් නිසා හෝ එවැන්නක් සිදු නොවිනි. අමාත්‍ය මණ්ඩලය සංශෝධනය කල ද එයින් වැඩි ප්‍රයෝජනයක් සිදු නොවනු ඇති බව මගේ අදහසයි. අපට දැනට සිටින්නේ උදාසීන/කුසීත සහ කිසිදු වගවීමක් නොමැති අමාත්‍ය මණ්ඩලයකි (මෙයට යම් ව්‍යතිරේක ඇත). එකම පුද්ගලයින්ගේ විෂයයන් මාරු කර දීමෙන් වෙනස් ප්‍රතිපල ලැබේයැයි අපේක්ෂා කල හැකිද? ඉසේ ඇම්මට විසඳුම කොට්ටය මාරු කිරීම නොවන බව අපි කවුරුත් දනිමු.
ලබ්බට තැබූ අතම පුහුලෙටත්, ගෝඨා සිරකරුවන්ට කළ දේම රංගජීවටත් නොකරයිද?
පසුගිය සමයේ විශාල ආන්දෝලනයකට තුඩු දුන් වැලිකඩ රැඳවියන් ඝාතණයේ ඝාතකයායැයි නම කියැවුණු මත්ද්‍රව්‍ය නාශක අංශයේ රංගජීවට වෙඩිතැබීම පසුපස සිටින්නේ එම ඝාතනයට අණ දුන් පසුගිය රජයේ අයවලුන්ම බව ඕනෑම කෙනෙකුට ප්‍රත්‍යක්ෂ වන තත්ත්වයක තිබියදී, රජය සහ ජනමාධ්‍ය වටෙන් වටෙන් ගොස් ඔහුට වෙඩි තැබීම වෙනත් පාතාළ කණ්ඩායම් හෝ තවෙකෙකුගේ ගිණුමට බැර කිරීමට යත්න දරමින් සිටිති. රජයට සහ ආරක්ෂක අංශ වලට ඇත්තේ ගෝඨාභය රාජපක්ෂගෙන් ප්‍රශ්ණ කිරීමය. කෙසේ හෝ පසුගිය රජයේ අනෙක් කාරණා වලදී මෙන්ම මේ ප්‍රශ්ණයේදීද ඔවුන්ව ප්‍රශ්ණ කිරීමට නව මෛත්‍රී රනිල් රජය ඇඹරඑන්නේ දේශපාලන ඩීල් හේතුවෙනි.නැතහොත් තම පංති යුතුකම ඉටු කරමින් සිටිනා බව ප්‍රත්‍යක්ෂය.
මගේ මතය ගණිකා වෘතිය නීති ගත කළ යුතු බවය, එහෙත් එය මේ මොහොතේ ශ්‍රී ලංකාවේ නීතිගත කරන්න ගියහොත් මම ඊට සහාය නොදෙන්නෙමි ! හේතුව, ගණිකා වෘතිය තුල එම ලිංගික සේවකයාත් පාරිභෝගිකයාත් දෙදෙනාම සූරා කා සම්පූර්ණ වාසිය ලබා ගන්නේ වෙළෙන්දාය. මුඩුක්කු වෙනුවට ලස්සන ගෙවල් නම් හදන්නට ඉඩ ඇත. එහෙත් ගණිකා ව්‍යාපෘතිය ද, අන් සියල්ල මෙන්, දේශපාලකයින්ද සම්බන්ධ කර ගත් ජාවාරමක් බවට පත්වීම වැලැක්විය නොහැකි අතර දිලිඳු පාසල් යන දැරියන් පවා, උප්පැන්න සහතික පවා වෙනස් කර කිසිඳු ප්‍රමිතියක් නැති ගණිකා වෘතියට ඇද දමනු ඇත. සයිටම් සම්බන්ධයෙන්ද මගේ මතය බොහෝ දුරට ඊට සමානය.
ගමක් ජන ශුන්‍ය වීම වලක්වා ගැනීම සඳහා පිටස්තර ප්‍රදේශ වල පුද්ගලයන් ගමේ පදිංචිවීමට පෙළඹවීම අරමුණු කොට ගෙන මුදලක් ගෙවීමට තීරණය කළ නගරධිපතිවරයකු ගැන ඉතාලියෙන් වාර්තාවේ.
