රංජන් වෙනුවෙන් පෙනී සිටින්න යහපාලකයන්ට පුලුවන්ද? Featured

Wednesday, 13 January 2021 12:26

රංජන්ට මේ සන්තෑසිය සිදු වූයේ 'යහපාලනය' සත්‍යක් යැයි ඔහු විශ්වාස කළ නිසාය. ඒත් පසුව මෙගොල්ල යාළුවෝ මල්ලි යැයි කියන්න පුලුවන් තරමට දේවල් ඉගෙන ගැනීමට ඔහුට හැකි විය.

එහෙත් එතකොට ඔහු ගොඩක් ප්‍රමාදය. යහපාලන මිත්‍යාව විසින් ඔහුව අද සිරකරුවකු කර ඇත.

රංජන් පෙනී සිටි දෙය වෙනුවෙන් අදත් යහපාලකයන්ට පෙනී සිටින්නට නොහැක. ඔවුන් පොරොන්දු වූ පරිදි දූෂිතයන්ට දඬුවම් දුන්නේ නැත. වංචාවෙන් දූෂණයෙන් තොර පාලනයක් බිහි කිරීමට ඔවුන්ට හැකි වූයේ නැත. එහෙම වුවමණාවක් පෙන්වූයේත් නැත. රංජන් ඒ බව තේරුම් ගත්තේ පසුවය. දූෂිතයන් සමඟ වන ඩීල් ඔහු දැක්කේය. ඊට එරෙහිවත් ඔහුට කතාකරන්න සිදුවූ අතර අපරාධකරුවන්ට දූෂිතයන්ට දඬුවම් කිරීම ඔහුගේ පෞද්ගලික මෙහෙයුමක් කරගන්නටද උත්සහ ගත්තේය. එහෙත් එහෙම ව්‍යාපෘති වලට මේ පවතින ක්‍රමය යටතේ ඉඩක් නැති බව ඔහු වටහා ගත්තේ නැත. ඔහු හිතුවේ ඔහු රඟපාන චිත්‍රපටවල මෙන් දරුණු සටන් වලින් පසුව සත්‍යය ජය ගනු ඇති බවය. හැබෑ ලෝකය සහ චිත්‍රපට ලෝකයෙහි ඇති වෙනස අවසන් කාලයේදී ඔහුට අවබෝධ වූවාට සැකයකුත් නැත.

දඬුවම් ලෙස ලැබූ වසර හතරේ සිරගත ජීවිතය තුලීන් මේ සමාජයේ ඇත්තම තත්වය ඔහුට ඉතාමත් හොඳින් දැන ගැනීමටත් ලැබෙනු ඇත.

ඒ කොහොම වුණත් අද ඔහුගේ යහපාලන සගයනට ඔහු වෙනුවෙන් පෙනී සිටින්නට ඇත්තටම නම් බැරිය. මාධ්‍ය නිවේදන සමාජ මාධ්‍ය වදන් වලින් රංජන් සමඟ සිට ගන්නවා කීවාට මේ ගෙවුණු වසර තුලදීවත් ඔහු වෙනුවෙන් පෙනී සිටින්නට මේ තක්කඩි යහපාලකයන්ට පුලුවන් කමක් තිබුණේ නැත. රංජන්ගේ හඬ පට ලීක් වීම නිසා ඔහුගේ අශ්ශීල පෞද්ගලික ජීවිතය ගැන තොරතුරු සමාජ ගත වීම පදනම් කරගෙන ' අපෝ රංජන් ඕයා නම් ඊයා'' කියා රංජන් දෙස නොබලා සිටීමේ අවස්ථාවක් මේ යහපලකයන්ට ලැබී තිබීම ඔවුන්ගේ යම් වාසනාවක් විය. ඊට මුවා වී රංජන්ව නොතකා හැරීමට යහපාලකයන් කටයුතු කළද යහපාලනය බිහි කිරීම වෙනුවෙන් දායක වූ සමාජ මත නිර්මාණය කරන් වුන් අති බහුතරයක් රංජන් වෙනුවෙන් පෙනී සිටින බව ඔවුන් සමාජ මාධ්‍ය ඔස්සෙ පළ කරන අදහස් අනුව නම් පෙනී යයි. ඒ රංජන් යම් ඇත්තක් වෙනුවෙන් තනිවම හෝ ඒ අත් නොහැර දිගටම සටන් කිරීම සහ එය සම්ප්‍රදායික දේශපාලනයෙන් ඔබ්බට ගිය සටනක් වීම නිසාත්ය.

දඬුවම් නියම වී උසාවියෙන් එළියට එන විටත් රංජන් කීවේ තමන් කිව් දේ නිවැරදි බවය. ඒ වෙනුවෙන් තවදුරටත් පෙනී සිටින බවය. මේ ප්‍රකාශයම රංජන් තමන්ගේ ඇති ධෛර්වන්තභාවය, නොසැලෙන ගුණය සහ නායකත්ව පෞර්ෂයක් පෙන්වීමට සමත්ව තිබීම තුල ඇතැමුන් ඉන් කුල්මත්වද තිබේ. එහෙත් යහපාලන නායකයන් බිම බලාගත් වනමය. එම දේශපාලන මොහොතක් කරගැනීමේ සටකපට කමවත් පෙන්වීමට ඔවුන් සමත්ව නැත.

මෑත ඉතිහාසයේ පාර්ලිමේන්තු දේශපාලනය තුළ බිහිවූ දුර්වලම තකතීරුම විපක්ෂය වත්මන් විපක්ෂය බව කිසිදු විවාදකින් තොරවම පැවසිය හැකිය. මෝඩ රිලා ජෝක් හැර වෙන කිසිවක් පෙන්වීමට මේ කණ්ඩායම් සමත්ව නැත. පරණ හණමිටි අදහස් කරපින්නාගෙන පරණ පුරුදු විදිහටම පාර්ලිමේන්තු බත් ගෙඩිය ගිලිමින් මොන මොනවා හෝ කියව කියවා ඉන්නවා හැර මේ ගොබිලන් වෙන කරන්න දෙයක් දන්නෙ නැති බවත් පැහැදිලිය. ඊයෙ පෙරේදා දිනවල පාර්ලිමේන්තුවෙන් පිටතට වී කරපු කියපු විහිළු තහලු වැඩ සටහන් වලින්ද මේ අයගේ දේශපාලනික බුද්ධියෙ පරිමාවද පෙන්වා දී තිබේ.

කොහොම නමුත් මේ අයගෙන් තව දුරටත් බලාපොරොත්තු විය හැකි දේශපාලනයක් නැත. ආණ්ඩු පෙ‍රැලීමට තබා තමන්ගේ විපක්ෂ දේශපාලන භුමිකාවේ පෞර්ෂයවත් රැක ගැනීමට අසමත් මේ ගොබිලන් වත්මන් ආණ්ඩුවට තව අචිරාත් කාලයක් ආණ්ඩු බලය හෙබවීම වෙනුවෙන් සහය වනවාට සැකයක්ද නැත.

Leave a comment

Gossip

චම්පික ජනපති සිහිනයෙන් අවදිවෙලා.. ආණ්ඩුවට එකතු වෙන ලයින් එකක් !

චම්පික ජනපති සිහිනයෙන් අවදිවෙලා.. ආණ්ඩුවට එකතු වෙන ලයින් එකක් !

චම්පික රණවක පසුගිය දිනවල ලක ලැහැස්ති වූයේ 2024 ජනාධිපති අපේක්ෂකයා වීමේ අපේක්ෂාවෙන් යුතු මහා මෙහෙයුමක...

පළාත් සභා ඕනෑමයි..මන්ත්‍රීකම් නැතුව ජීවත්වෙන්න බෑ.. - විජිත හේරත්

පළාත් සභා ඕනෑමයි..මන්ත්‍රීකම් නැතුව ජීවත්වෙන්න බෑ.. - විජිත හේරත්

ජනතා විමුක්ති පෙරමුණ කවදත් පළාත් සභා ක්‍රමයට එරෙහිව කතා කළේය. සටන් කළේය. මිනී මැරුවේය. ඔවුන් 1987 දී...

පවිත්‍රා සහ සුදර්ශනී අතර කොවිඩ් තරගයක්ද?

පවිත්‍රා සහ සුදර්ශනී අතර කොවිඩ් තරගයක්ද?

රට තුල කොවිඩ් 19 තත්වය මර්දනය කිරීම වෙනුවෙන් පසුගියදා ජනාධිපති ගොඨාභය රාජපක්ෂ විසින් ඒ වෙනුවෙන්ම ප්‍...

සජබෙ දෙදරයි. තිස්සත් චම්පික පිළට

සජබෙ දෙදරයි. තිස්සත් චම්පික පිළට

පාඨලී චම්පික රණවක 2025 ජනාධිපති වීම ඉලක්ක කරගෙන මේ වන විට සිදුකරමින් සිටින දේශපාලන මෙහෙයුමට තිස්ස අත...

අනං මනං

Connet With Us