විශ්වාසභංගයට පෙර ඇමැතිකම් අත්හරිති. එය නොගෙනෙන්නැයි ජනපතිගෙන් බලපෑම්.
අගමැති රනිල් වික‍්‍රමසිංහ මහතාට එරෙහි විශ්වාස භංගයට පක්‍ෂව ඡන්දය දුන් ශ්රිලනිප ඇමතිවරුන් සියළු දෙනා තමන් සියළු දෙනා ඇමති ධුරවලින් ඉල්ලා අස්වීමට සූදානම් බවට ජනාධිපති මෛත‍්‍රිපාල සිරිසේන මහතා වෙත ලිඛිතව දන්වා ඇත.
හුටා... ශ්‍රීලනීප තක්කඩි, ඇමැතිකම් ටික බේරගන්න තීන්දු කරලා...!
විශ්වාසභංගය විවාදයට ගැනීමට නියමිත් 04 වන දාට පෙර අගමැතිවරයා තනතුරෙන් ඉල්ලා අස්විය යුතු බවට ශ්‍රීලනිප මන්ත්‍රී කණ්ඩායම (42ක් සිටි බව පවසයි) අද සවස පැවැති සාකච්ඡාවකදී තීරණය කළ බව රාජපක්ෂ අගුපිලෙ වැටී සිටින ශ්රිලනිප ඇමැතියෙක් වන ලක්ෂමන් යාපා අබේවර්ධන පැවසූ බව මාධ්‍ය වර්තා කරයි. මෙය ජනාධිපතිගේ උපදෙස් මත ගත් තීරණයක් බවද පැවැසේ..
විශ්වාසභංගයට හේතු වූ 'දූෂණ විරෝධී අධිකරණ පනත' 5 දා පාර්ලිමේන්තුවට !
මහා පරිමාණ මූල්‍ය අපරාධ සහ දූෂණ නඩු විභාග කිරීම කඩිනම් කිරීමේ අරමුණින් ත්‍රිපුද්ගල මහාධිකරණයක් පිහිටුවා ඉතා කෙටි කලක් තුළ නීතිය කාර්යක්‍ෂමව ක්‍රියාත්මක කිරීමට හැකි වන සේ සංශෝධනය කළ අධිකරණ සංවිධාන පනත් කෙටුම්පත එළඹෙන අප්‍රේල් 05 වන දින පාර්ලිමේන්තුවේ සම්මතය සඳහා නැවත ඉදිරිපත් කිරීමට නියමිතය.
වත්මන් ආණ්ඩුව විසින් හඳුන්වා දුන් නව දේශීය ආදායම් පනත අද (01) සිට බල පැවැත්වේ. ඒ අනුව ගෙවන්න වන බදු ගැන මේ වන විට සංවාදයක් රටේ ඇතිව තිබේ. මීට මාස කිහිපයකට පෙර හිටපු ජනාධිපතිවරයාගේ නමින් නිවේදනයක්ද මේ සම්බන්ධයෙන් නිකුත් කෙරිණි. එහිදී මෙහි ඇති දෝශ ගනනාවක් ද පෙන්වා දී තිබේ.
විලි ලැජ්ජයි..දැන් හෙළුව වහගන්න අගමැතිට ඉල්ලා අස්වෙන්නලු.. යාපා තමා කීවේ..
අද ශ්‍රිලනිපයේ නමින් ලක්ෂ්මන් යාපා අබේවර්ධන සුසිල් ප්‍රේමජයන්ත සහ ඩිලාන් පෙරේරා කොළඹදි පැවැත් වූ මාධ්‍ය හමුවේදී ප්‍රකාශයට පත් කළ සමස්තයේ අර්ථය, අගමැතිට එරෙහිව එල්ල කර ඇති විශ්වාසභංග යෝජනාවෙන් ජනාධිපතිවරයා පරාජයට පත්ව ඇති බවය.
ලොක්කට කොන්දක් නෑ.. ශ්‍රීලනිප මන්ත්‍රීන්ට කැමති තීරණයක් ගන්න ඉඩ දෙයි.
අගමැතිවරයාගේ නමින් ආණ්ඩුවට එරෙහිව එල්ල කර තිබෙන විශ්වාසභංග යෝජනාව සම්බන්ධයෙන් පාර්ලිමේන්තු ඡන්ද විමසීමේ දී ශ්රිලනිප මන්ත්‍රීන්ට තම තමන්ගේ හෘද සාක්ෂිඅය අනුව ඡන්ද පාවිච්චි කිරීමට ඉඩ කඩ සලසන තීන්දුවක් ගැනීමට ජනාධිපතිවරයා ප්‍රමුඛව ශ්රිලනිප ජේෂ්ටයන් මේවන විටත් තීන්දුවකට පැමිණ තිබෙන බව ශ්‍රිලනීප ආරංචි මාර්ග පවසයි. එළඹෙන 02 වන දින ශ්‍රීලනිප මධ්‍යම කාරක සභාවේදී මේ සම්බන්ධයෙන් නිල තීන්දුව ගැනිමට නියමිතය.
වෙසක් සහ පොසොන් පොහොය දිනය යෙදනදා තොරණ ප්‍රදර්ශනය තහනම් කිරීමටත් දන්සල් ආදීය සීමා කිරීමත් සිදු කරීමට අවශ්‍ය නීති සම්පාදනය කරන බව බුද්ධ ශාසන ඇමැතිවරයා පවසයි . එමෙන්ම ඒ වෙනුවට එම දින දෙකෙදී විහාර ආශ්‍රිතව ක්‍රියාත්මක කළ යුතු දේ ගැන විහාරස්ථාන දැනුම්වත් කිරීමටද පියවර ගෙන තිබේ.
හිටපු ආරක්ෂක ලේකම් ගෝඨාභය රාජපක්ෂ මහතා අද (30දා) උදෑසන චීනය බලා පිටත්ව ගොස් තිබේ. මීට කලකට පෙර චීන රජයේ ආරාධනාවකට අනුව එරට ප්‍රකට උසස් අධ්‍යාපන ආයතනයක් වන යුනාන් විශ්වවිද්‍යාලයේ රාජ්‍ය පාලනය හා ආර්ථික කළමනාකරණය පිළිබඳ පාඨමාලාවකට සහභාගි වීම සඳහා හිටපු ආරක්ෂක ලේකම්වරයා මෙසේ චීනය බලා පිටත්ව ඇත.
