බාලේන්ද්‍රන් ජෙයකුමාරි ඊයේ (10) දහවල් කොළඹ, මහේස්ත්‍රාත් අධිකරණය වෙත නැවතත් ඉදිරිපත් කළ අතර ලබන 24(පෙබරවාරි) දක්වා නැවතත් ජෙයකුමාරි රිමාන්ඩ් බන්ධනාගාර ගත කරන ලෙස මහෙස්ත්‍රාත්තුමිය දැනුම්දුන්නේය.

කොළඹ නෙළුම් පොකුණ රඟහළ ඉදිරිපිට මාර්ගය ආනන්ද කුමාරස්වාමී මාවත ලෙස ජනාධිපති මෛත්‍රීපාල සිරිසේන මහතා ඊයේ (10) විවෘත කළේය.

විදුලිබල මණ්ඩලය තුළ වැටුප් වැඩි කර ගැනිමේ දී සිදුව ඇති මූල්‍ය වංචාව සම්බන්ධයෙන් ලංකා විදුලිබල මණ්ඩල ඒකාබද්ධ වෘත්තිය සමිති සන්ධානය අපරාධ පරික්‍ෂණ දෙපාර්තමේන්තුවට පැමිණිල්ලක් ඉදිරිපත් කළේය. එහි මෙහෙයුම් කමිටු සාමාජික රන්ජන් ජයලාල් මහතා පැවසුවේ ඊයේ(10) පෙරවරුවේ මෙම පැමිණිල්ල අපරාධ පරික්‍ෂණ දෙපාර්තමේන්තුව වෙත දුන්නේය.

ලබන 14 දා පැවැත්වෙන ශ්‍රීලනිප විධායක සභාවේදී හා සමස්ත ලංකා කාරක සභාවේදී එම පක්ෂයේ ජාතික සංවිධායක ලෙස රාජිත සේනාරත්න මහතා නම් කිරීමට ජනාධිපතිවරයා තීරණය කර ඇතැයි වාර්තාවේ.

දැනට රිමාන්ඩ් බන්ධනාගාරගතව සිටින පාර්ලිමේන්තු මන්ත්‍රී තිස්ස අත්තනායක මහතා විසින් සකස් කර ඇති කූට ලේඛනය සම්බන්ධයෙන් පාර්ලිමේන්තු මන්ත්‍රී අනුර යාපා සහ වයඹ පළාත් මහ ඇමැති දයාසිරි ජයසේකර මහත්වරුන්ගෙන් රහස් පොලිසිය කට උත්තර ලබාගෙන තිබේ.

තමන්ට අහිමි වූ පාර්ලිමේන්තු මන්ත්‍රී ධුරය යළි ලබාගැනීම සඳහා ඉදිරි දින කිහිපය තුළ ශ්‍රේෂ්ඨාධිකරණය හමුවට යන බව ප්‍රජාතන්ත්‍රවාදී පක්‍ෂයේ නායක ජෙනරාල් සරත් ෆොන්සේකා පැවසීය.

හිටපු ජනපති පුත් නාවික හමුදා ලුතිනන් යෝෂිත රාජපක්ෂ ඊයේ රාත්‍රියේ කටුනායක බණ්ඩාරනායක ජාත්‍යන්තර ගුවන්තොටුපලෙන් ඩුබායි බලා පිටත්ව ගියේය.