2015.08.10 දින වැඩිදුර පශ්චාත් මරණ පරීක්ෂණයක් සිදු කරන ලද මොහොමඩ් වසීම් තාජුඩීන් මෘත ශරීරය 2015.09.18 දින නැවත මිහිදන් කිරීමට මරණකරුගේ වැඩිමහල් සොහොයුරු ෆාතිමා අයේෂා තාජුඩීන් වෙත බාර දීමට ද අධිකරණය නියම කළේය. මෘත ශරීරය නැවත මිහිදන් කිරීම සඳහා ඇයගේ වැඩිමහල් සොහොයුරියට අවශ්‍ය පහසුකම් සපයන ලෙසට ද මොහොමඩින් ජුම්මා මුස්ලිම් පල්ලියේ පාලන කමිටුවේ සභාපතිවරයා වෙත මහේස්ත්‍රාත්වරයා නියෝග නිකුත් කළේය.

2015.08.10 වන දින දෙහිවල ජුම්මා පල්ලියේ පිහිටි සුසාන භූමියෙන් අධිකරණ නියෝග මත ගොඩගෙන කොළඹ ප්‍රධාන වෛද්‍ය නිලධාරී අජිත් තෙන්නකෝන් මහතා භාරයේ ඇති අස්ථි කොටස් සාම්පලය, ජාන පරීක්ෂණයක් සිදු කිරීම සඳහා රහස් පොලිසියේ මිනී මැරුම් අංශයේ පොලිස් සැරයන් රත්නප්‍රිය මහතා භාරයේ ජින්ටෙක් ආයතනයට භාර දීම සඳහා ද අධිකරණ නියෝගයක් මහේස්ත්‍රාත්වරයා විසින් මෙහිදී නිකුත් කරන ලදී.

dinamina