මෙය අන්තර්ජාල ගුවන් විදුලි සේවාවක් වන අතර මෙහි කළමනාකාරීත්වය දරන්නේ කොළඹ විශ්ව විද්‍යාලයේ ශ්‍රී පාලි මණ්ඩපයේ ජනමාධ්‍ය විශේෂවේදී උපාධිය හදාරන ගුවන්විදුලි මාධ්‍ය අංශයේ සිසු සිසුවියන් විසිනි. මෙම සිසු සිසුවියන් සඳහා මග පෙන්වීම ආචාර්ය ප්‍රදීප් වීරසිංහ මහතා සහ කාථිකාචාර්ය සජිතා ලක්මාලී මෙනෙවිය විසින් සිදු කරයි.

වාණිජ නාලිකා මෙන් විනෝදය සැපයීමට වඩා ග්‍රාහකයා විචාරශීලි පුරවැසියකු බවට පත් කිරීමේ වැඩසටහන් ඉදිරිපත් කිරීම මෙහි අරමුණයි. මහජන සේවා මාධ්‍ය සංකල්පය මුල්කර ගත් මෙම ගුවන් විදුලි නාලිකාව සිය වැඩසටහන් www.campusradio.lk යන වෙබ් අඩවිය ඔස්සේ සිය විකාශනය මෙහෙයවයි.

සතියේ දිනවල

උදෑසන 07.00 - 08.00 දක්වා - උදා සරසවිය
දහවල් 12.45 - 1.30 දක්වා - කැම්පස් කැන්ටිම
සවස 5.45 - 7.30 දක්වා - සැදෑ සරසවිය (බදාදා හැර)
බදාදා සවස 5.45 - 8.30 - විචාර කවය

යන වැඩ සටහන් වලට සවන් දිය හැක.
තවද කොළඹ විශ්ව විද්‍යාලයේ සියලු පීඨවල අධ්‍යන කටයුතු කරන සිසු සිසුවියන්ගේ සංගීතමය දක්ෂතා ඇගයීම සඳහා “සවරංජලී” නම් ප්‍රාසාංගික තරගයක් පැවැත්වීමට මේ වන විට Campus Radio මඟින් බලාපොරොත්තු වේ.