සිවිල් සාමාජිකයන් පත්කරන්නෙ අලුත් පාර්ලිමේන්තුවේදී
ව්‍යවස්ථා දායක සභාවට සිවිල් සාමාජිකයන් පත්කිරීමක් පවතින පාර්ලිමේන්තුවේදී සිදු නොකරන බව කැබිනට් ප්‍රකාශක රාජිත සේනාරත්න මහතා පැවැසීය.ඔහු මේ බව පැවසුවේ අද(11) පැවැති කැබිනට් මාධ්‍ය හමුවේදීය.
මූල්‍ය අපරාධ විමර්ශන කොට්ඨාසය තහනම් කිරීමේ නියෝගයක් නිකුත් කරන ලෙස ඉල්ලා ගොනුකර ඇති පෙත්සමක් සම්බන්ධයෙන් කරුණු දක්වන මෙන් අභියාචනාධිකරණය නීතිපතිවරයාට දැනුම් දී තිබේ.
තමන් අත්අඩංගුවට ගැනීම වැළැක්වීමේ අතුරු නියෝගයක් නිකුත් කරන ලෙස ඉල්ලා පාර්ලිමේන්තු මන්ත්‍රී ටිරාන් අලස් මහතා ගොනු කළ පෙත්සම සලකා බැලීම ජුනි මස 29 වනදා දක්වා කල් දමා අැත.
පසුගිය රජය විසින් ද්විත්ව පුරවැසිභාවය අහෝසි කර ඔවුන්ගේ දේශපාලන හිතවතුන් සීමිත පිරිසකට පමණක් ලබාදුන් බව මහජන සාමය හා ක්‍රිස්තියානි කටයුතු අමාත්‍ය ජෝන් අමරතුංග මහතා පවසයි.අද (11) විදේශ කටයුතු අමාත්‍යංශයේදී 150 දෙනෙකුට ද්විත්ව පුරවැසිභාවය ලබාදීමේ උත්සව අවස්ථාවට එක්වෙමින් අමාත්‍යවරයා මේ බව සඳහන් කළේය.
ආණ්ඩුවේ සුබසාධන වැඩපිළිවෙලට විපක්ෂය සහාය දැක්විය යුතුයි
රටේ සුභසාධනය වෙනුවෙන් ආණ්ඩුව සිදුකරන ක්‍රියාවලියට විපක්ෂයද සහය දැක්විය යුතු බව අස්ගිරි පාර්ශවයේ මහනායක අතිපූජ්‍ය ගලගම ශ්‍රී අත්තදස්සී නාහිමියන් පවසයි.වත්මන් ආණ්ඩුවේ දින සියයේ වැඩපිළිවෙළ පිළිබඳ සෑහිමකට පත්විය හැකි බවද උන්වහන්සේ සදහන් කරයි.
හිටපු අගමැතිවරුන් වන රත්නසිරි වික්‍රමනායක මහතා හා දී.මු. ජයරත්න යන මන්ත්‍රීවරුන් ජනපති මෛත්‍රීපාල සිරිසේන මහතාගේ ජ්‍යෙෂ්ඨ දේශපාලන උපදේශකයෝ ලෙස පත් කළ බව ජනපති මාධ්‍ය අංශය පවසයි.
පෞද්ගලික අංශයේ පඩි වැඩිකරන්න රජයට ඉඩ දෙන්න බෑ, ප්‍රශ්නය ජිනීවාවලටත් යයි
ව්‍යවස්ථාපිත නෛතික ප්‍රතිපාදන හරහා පෞද්ගලික අංශය සඳහා සිදුකෙරෙන යම් අනිවාර්ය පඩි වැඩිකිරීමක් නිසැකවම අත්තනොමතිකා හා නිදහස් වෙළඳ ආර්ථිකයේ මුලිකාංග වලට පටහැනි වන අතර එම පදනමේ සිට ලංකා සේව්‍ය සම්මේලනය මෙම පඩි වැඩි කිරීමේ යෝජනාව තරයේ හෙලා දකින බව එහි අධ්‍යක්ෂ ජනරාල් රවී පිරිස් මහතා ඊයේ (8) වන දින ජිනීවා නුවර පැවැත්වෙන ලෝක කම්කරු සමුළුව අමතමින් ප්‍රකාශ කළේය.
විමල් වීරවංශ මහතා නායකත්වය දරණ ජාතික නිදහස් පෙරමුණේ දිස්ත්‍රික් හා ප්‍රාදේශීය කාර්යාල සියල්ලම පාහේ මේවන විට වසා දමා ඇති බව වාර්තාවේ.
