වනජීවී එක පිහිටෙව්වේ සරණ පතා එන වලසුන්ට සිර දඩුවම් දීමටද?
විවිධ අනතුරු හේතුවෙන් තුවාල ලබා ප්‍රතිකාර කිරීම සඳහා වනජීවී සංරක්ෂණ දෙපාර්තමේන්තුවේ පශුවෛද්‍ය එකක වෙත රැගෙන එන ලද වලසුන් සිවුදෙනෙක් වනජීවී සංරක්ෂණයේ අරමුණුවලට පිටුපාමින් සත්වෝද්‍යාන දෙපාර්තමේන්තුව වෙත පැවරීමට වනජීවී අධ්‍යක්ෂ ජනරාල්වරයා කටයුතු කරමින් සිටින බව අප සංගමයට දැනගැනීමට ලැබී ඇත. උඩවලව ඇත් අතුරු සෙවන අනුබද්ධ වනජීවී රෝහලේ ප්‍රතිකාර ලැබූ වලසුන් තිදෙනෙක් හා ගිරිතලේ සෞඛ්‍ය කළමනාකරණ ඒකකයේ ප්‍රතිකාර ලැබූ එක් වලසෙකු මේ ආකාරයෙන් ජාතික සත්වෝද්‍යාන දෙපාර්තමේන්තුවට ලබා දීමට නියමිතය.
ගැටලුවලට විසඳුම් දෙනවා නම් එජාපයට සහය දෙනවා - දෙමළ ජාතික සන්ධානය
දෙමළ ජනතාවගේ ගැටළුවට විසඳුමක් ඉදිරිපත් නොකළහොත්, ජාතික රජයට එක් නොවන්නෙමු. මෙවැනි පසුබිමකදී, පැවැත්වීමට නියමිත මහ මැතිවරණයේදී උතුරු සහ නැගෙනහිර පළාත් වලින් ආසන 20 ක් ජයග්‍රහණය කිරීමට හැකිය යනුවෙන් දෙමළ ජාතික සන්ධානයේ මාධ්‍ය ප්‍රකාශක සුරේෂ් ප්‍රේමචන්ද්‍රන් ප්‍රකාශ කර ඇත.
ලිට්රෝ සමාගම පෞද්ගලිකකරණය කිරීමේ සූදානමක් ඇති බවට හිටපු පාර්ලිමේන්තු මන්ත්රී බන්දුල ගුණවර්ධන මහතා පසුගිය දා සිදු කළ පදනම් විරහිත ප‍්‍රකාශයෙන් සිදු වූ හානිය වෙනුවෙන් රුපියල් බිලියනයක වන්දියක් ගෙවන ලෙස ඉල්ලා ලිට්රෝ සමාගම ඒ මහතාට එන්තරවාසි යවා තිබේ.
පසුගිය පාර්ලිමේන්තුවේ මන්ත‍්‍රීවරුන් භාවිත කළ, මෙතෙක් භාරදී නොමැති රජයේ වාහන වහාම අත්අඩංගුවට ගෙන රජයට භාර දෙන්නැයි ජනාධිපති ලේකම්වරයා පොලිසියෙන් ඉල්ලීමක් කර තිබෙන අතර අදාළ ඉල්ලීම පරිදි පොලිස්පතිවරයා විසින් සියලූම පොලිස් ස්ථාන දැනුවත් කර ඇති බව මැතිවරණ කොමසාරිස් මහින්ද දේශප්රිය මහතා පැවසීය. ඒ මහතා මේ බව සඳහන් කළේ මැතිවරණයට අදාළ මාධ්‍ය උපමාන සාකච්ඡා කිරිම සඳහා ජනමාධ්‍ය ප‍්‍රධානීන් සමග මැතිවරණ මහලේකම් කාර්යාලයේ දී ඊයේ (3) පස්වරුවේ පැවති සාකච්ඡාවක දී ය. එමෙන් ම ඔහු පෙන්වා දුන්නේ පාර්ලිමේන්තුව විසුරුවා හැර තිබියදී රජයේ නිල වාහන භාවිත කළ හැක්කේ අග‍්‍රාමාත්‍යවරයා, කථානායකවරයා, විපක්ෂ නායකවරයා, කැබිනට් අමාත්‍යවරු, රාජ්‍ය අමාත්‍යවරු සහ නියෝජ්‍ය අමාත්‍යවරුන්ට පමණක් බවය.
ලංකා ගමනාගමන මණ්ඩලයේ සේවකියින් මැතිවරණ ප්‍රචාරක කටයුතු සඳහා යෙදවීම වහාම නවත්වන ලෙස ප්‍රවාහන අමාත්‍යංශයේ ලේකම්ට සහ ලංකා ගමනාගමන මණ්ඩලයේ සභාපතිට නියෝග කරමින් මැතිවරණ කොමසාරිස් මහින්ද දේශප්රිය මහතා ලිපියක් යවා තිබේ.
අධිවේගය විවෘත කරන්න මහින්දටත් එන්න කියන්න, මැකොගෙන් නියෝගයක්
දක්ෂිණ අධිවේගී මාර්ගයේ කඩුවෙල -කඩවත කොටස විවෘත කිරීමේ අවස්ථාවට එය ආරම්භ කළ හිටපු ජනාධිපති මහින්ද රාජපක්ෂ මහතාටද ආරාධනා කරන ලෙස තමන් මහාමාර්ග අමාත්‍යාංශයේ ලේකම්වරයාට නියෝග කරන බව මැතිවරණ කොමසාරිස් මහින්ද දේශප්රිය මහතා පැවසීය. ඊට අමතරව එවකට රජයේ මහාමාර්ග විෂය භාරව සිටි ඇමැතිවරයාටද ආරාධනා කරන්නැයි තමා ඉල්ලා සිටින බවද දේශප්රිය මහතා කීවේය.
ගෝඨාභය රාජපක්ෂ මහතා ජනාධිපති මෛත්‍රීපාල සිරිසේන මහතා සමඟ දේශපාලන ගනුදෙනුවකට යාම නිස බැසිල් රාජපක්ෂ මහතා මේවන විට සන්ධානයේ මැතිවරණ ව්‍යාපාරය සම්පූර්නයෙන්ම අතහැර දමා තිබේ.
1996 වසරේ ක්‍රිකට් ලෝක කුසලානය දිනා ගත් ශ්‍රී ලංකා කණ්ඩායමේ නායකයා ලෙස හිටපු ජනාධිපති මහින්ද රාජපක්ෂ මහතා කටයුතු කළේ නම් තවමත් ශ්‍රී ලංකා ක්‍රිකට් නායකයා ඔහු බව අර්ජුන රණතුංග මහතා පවසයි.
