"මහින්දට තුන්වරක් බැහැ ! නීති විරෝධී ජනාධිපතිවරණ එපා !" යනුවෙන් ප්‍රජාතන්ත්‍රවාදය සඳහා ජනතා ව්‍යාපාරය විසින් ඊයේ (18)පාගමනක් සහ විරෝධතා රැලියක් කොළඹ දී පවත්වනු ලැබීය.

මාතලේ රෝහල් භූමියේ තිබි සොයා ගත් මිනිස් අස්ථි කොටස් 1951 වර්ෂයට පෙර ඒවා බවට හඳුනාගෙන තිබේ.

මීළඟ ජනාධිපතිවරණය පිළිබඳ නිල ප්‍රකාශය ජනාධිපති මහින්ද රාජපක්‌ෂ මහතා විසින් අද ප්‍රකාශයට පත්කිරීමට නියමිත බව වාර්තාවේ.

පවත්නා ප්‍රජාත්න්ත්‍ර විරෝධී පාලනය වෙනස් කිරීම සඳහා පොදු විපක්ෂයේ පෙළ ගැස්වීමක් සිදු වෙමින් පැවැතියත් ඒ සඳහා සහය දීමට, සේවක අයිතිවාසිකම් සම්බන්ධයෙන් එම කණ්ඩායම දරණ ප්‍රතිපත්ති ගැන පැහැදීමක් තිබේ නම් පමණක් බව 'නිදහස් වෙළඳ කලාප සහ පොදු සේවා සේවක සංගමය නිවේදනයක් නිකුත් කරමින් පවසයි.

නෝර්වේ රාජ්‍ය එල්.ටී.ටී,ඊයට කිසිවිටෙකත් මුදල් හෝ යුධ උපකරණ නොදුන්නා මෙන්ම සාම ක්‍රියාදාමය සාර්ථක කර ගැනීම සඳහා එල්.ටී.ටී,ඊ සාම ලේකම් කාර්යාලයට ආර්ථික සහන පමණක් ලබාදුන් බවත්, එය මහින්ද රාජපක්ෂ ජනාධිපතිවරයා එවකට අගමැතිවරයා ලෙස දැනුවත්ව සිටි බව නෝර්වේ හිටපු සාම නි‍යෝජිත එරික් සොල්හයිම් පවසයි.