මේ අතර පියෝ ටීවී ආයතනයේ ප්‍රධාන විධායකය ලෙස මීට පෙර කාලයක කටයුතු කළ ටි.වීරසූරිය නැමැත්තාද ඊයේ රාත්‍රියේ මංගල සමරවීර මහතා ඇමැතීමට විශාල උත්සහයක් ගෙන තිබේ. මුදල් අක්‍රමිකතාවයක් හේතුවෙන් එම ආයතනයෙන් ඉවත් කරනු ලැබු ඔහු මේවන විට සුප්‍රකට දුරකතන සමාගමක සේවය කරමින් සිටී.
හිටපු ජනපතිගේ කාර්ය මණ්ඩල ප්‍රධානියා වූ ගාමිණි සෙනරත්ගේ ඥාති සහෝදරයාවූ ශම්මි සෙනරත්ගේ සහයෙන් දේශපාලන බලය උපයෝගී කරගෙන කූට ව්‍යාපාරික කටයුතු කිහිපයක යෙදුනු බවටත් මොහුට එරෙහිව චෝදනා එල්ල වී ඇත.
කෙසේ නමුත් මේ වන විටත් පසුගිය රාජපක්ෂ පාලන සමයේ දී දූෂණ වංචා අක්‍රමිකතාවල යෙදුනු බවට සාක්ෂි සහිතව ඔප්පු කළ හැකිව තිබෙන පුද්ගලයන් කිසිවකු සම්බන්ධයෙන් වත්මන් ආණ්ඩුව නිසි ක්‍රියාමාර්ග ගෙන නොමැත. එමෙන්ම එවැනි චෝදනා සහිත පුද්ගලයන් රැසකට නව පාලනය යටතේද රජයේ ඉහළ තනතුරුවලට පත් කිරීම සිදුකර ඇති බවත් වාර්තා වී තිබේ.
එමෙන්ම එවැනි දූෂිතයන් පනස් දෙනෙකු පමණ මේවන විටත් රටින් පිට වී ඇති බවද මාධ්‍ය වර්තා පළව ඇත.
