වත්මන් රජය යටතේ ද විධායක ජනාධිපති ධුරය සම්පූර්ණයෙන්ම අහෝසි නොකරන අතර එම ධුරයෙහි පවතින අසීමිත විධායක බලය පමණක් අඩු කිරීමට නියමිතය.
සියලූ බස් ගාස්තු අද සිට සියයට 8 ත් 10 ත් අතර ප‍්‍රතිශතයකින් පහත බසී. ඒ අනුව රුපියල් 9 ක් වූ අවම බස් ගාස්තුව රුපියල් 8 දක්වා රුපියලකින් අඩු කිරීමට නියමිතය.
අතුරු අයවැයෙන් හඳුන්වාදුන් මන්දිර බද්ධ සංශෝධනය කිරීමට රජය තිරණය කර අැත. එ් අනුව ඉදිරියේදී මෑත කාලයේ ඉදි වූ ගොඩනැගිලිවලට පමණක් අදාළ වන පරිදි මෙම බද්ධ සංශෝධනය කරන බව මුදල් අමාත්‍ය රවි කරුණානායක මහතා පැවසුවේය.
හිටපු ආරක්ෂක ලේකම් ගෝඨාභය රාජපක්ෂ මහතා භාරයේ සිටි අලි පැටවුන් දෙදෙනෙකු වනජීවි දෙපාර්තමේන්තුවට යළි භාරදී අැත.
නොමිලේ අන්තර්ජාල පහසුකම් ලබාදීමේ වැඩපිලිවෙල කඩිනම් කරන ලෙස ජනාධිපති මෛතී‍්‍රපාල සිරිසේන මහතා උපදෙස් ලබාදී අැත.
ගුවන් සේවා අමාත්‍ය, ෆයිසර් මුස්තාපා මහතා සිය අමාත්‍ය ධූරයෙන් ඉල්ලා අස්වීමට තීරණය කර අැත.
නව ජනපති මෛත්‍රීපාල සිරිසේන මහතා අතිගරු, අති උතුම්, ශ්‍රීමත්, ජනාධිපති උතුමාණන් වැනි විශේෂණ තමා හැඳින්වීමට යොදා නොගන්නා ලෙස රජයේ නිලධරයන්ට හා මහජනයාට නිල වශයෙන් දැනුම්දෙන බව අද ප්‍රකාශ කළේය.
කුමාර් ගුණරත්නම් මහතා අද දින ඕස්ට්‍රේලියාවය යාමට නියමිත බවට අප විසින් පළ කළ පුවත සම්බන්ධයෙන් එම පක්ෂයේ මධ්‍යම කාරක සභිකයකු යැයි හඳුන්වා ගත් අයකු දුරකතන ඇමැතුමක් ලබා දෙමින් පැවැසුවේ ඔහු අද දින විදේශ ගත නොවන බවත් ඔහුට එරෙහිව පවතින නීතිමය ගැටළුවට එරෙහිව අධිකරණ ක්‍රියාමාර්ග ගැනීමට සූදානම් බවත්ය.
