එළඹෙන මහ මැතිවරණයේදි ජනාධිපති දියණි චතුරිකා සිරිසේන පොහොට්ටුව ලකුණින් ඉදිරිපත් වීමට ගන්නා උත්සාහයට පොලොන්නරුවේ පොහොට්‍ටු සාමාජියෝ මේ වන විට මහින්ද රාජපක්ෂට දන්වා ඇත්තේ කිසිසේත්ම ඊට ඉඩ දිය යුතු නැති බවය.

මහින්ද රාජපක්ෂගේ පොහොට්ටු ලකුණෙන් මහ මැතිවරණයට ඉදිරිපත් වන ලෙස විනයාගමූර්ති මුරලිදරන් හෙවත් කරුණා අම්මාන් උතුරු පළාත් සභාවේ කාන්තා හා ළමා කටයුතු හිටපු ඇමතිනි ආනන්දි සසිදරන් මහත්මියට ආරාධනා කර තිබේ.

ජනාධිපති සහ ගෝඨාභය රාජපක්ෂ ඝාතන කුමන්ත්‍රණයක් සම්බන්ධයෙන් සකස් කරන ලද පිටපතට අවශ්‍ය සාක්ෂි කඩිනමින් සකස් කරන ලෙස ව්‍යවස්ථා විරෝධී ආණ්ඩුවේ ඉහළම පාර්ශ්වයක් විසින් අපරාධ පරීක්ෂණ දෙපාර්තමේන්තුවට බලපෑම් කරමින් සිටී.

පාර්ලිමේන්තුව විසුරුවා මහ මැතිවරණයක් කැඳවීම සඳහා ජනාධිපතිවරයා ගත් ක්‍රියාමාර්ගයේ ව්‍යවස්ථානුකුල භාවය සම්බන්ධයෙන් අධිකරණයේ මතය විමසීමට ශ්‍රි ලංකා මැතිවරණ කොමිසමේ සාමාජික මහාචාර්ය රත්නජීවන් හූල් මහතා ද අද ශ්‍රේෂ්ඨාධිකරණයට පෙත්සමක් ඉදිරිපත් කර තිබිණි.

සිරිසේන ජනාධිපතිවරයාගෙන් අගමැති පට්ටම ගත් රාජපක්ෂ මහතා වසර 50ක දේශපාලන ජීවිතය තුළ හැදී වැඩුණු ශ්‍රී ලංකා නිදහස් පක්ෂය අතහැර ගිය හැටි 'ද හින්දු' පුවත්පත මෙසේ වාර්තා කොට තිබුණි.