බස්නාහිර පළාතේ 11ශ්රේණිය පාසැල් කටයුතු ලබන 25 වනදා සිට
බස්නාහිර පළාතේ හුදෙකලා කර ඇති ප්රදේශ හැර සෙසු ප්රදේශ වල පාසැල් 11වන ශ්රේණිය සිසුන් සදහා ලබන 25 වන දින ආරම්භ කරන බව අධ්යාපන අමාත්ය මහාචාර්ය ජි.එල්.පීරිස් සදහන් කරයි. මාර්තු මාසයේ පැවැත්වීමට නියමිත අධ්යාපන පොදු සහතික පත්ර සාමාන්ය පෙළ විභාගය හේතුවෙන් මෙම තීරණය ගත්බවයි අමාත්යවරයා සදහන් කරන්නේ
විදෙස් රටවල සිරවී සිටි තවත් ශ්රී ලාංකිකයන් 594 දෙනෙකු දිවයිනට පැමිණ තිබේ. කුවේට් ,ඩුබායි ,සෞදි අරාබි, සිංගප්පූරු යන රට වලින් මෙම පිරිස පැමිණ ඇත්තේ. ඔවුන් සියලුදෙනාට PCR පරීක්ෂණ සිදු කිරීමෙන් අනතුරුව නිරෝධායනය සඳහා යොමු කෙරුණු බවයි වාර්තා වන්නේ.
හදිසි තත්වයන්දි ආර්ථිකය කඩා නොවැටීමට කොළඹ මෙන් තවත් ආර්ථික නගරයක් පිහිටුවීමට පියවර
කොළඹ ප්රධාන ආර්ථික කේන්ද්රීය මධ්යස්ථානය හදිසියේ ඇතිවන තත්ත්වයකින් අක්රීය වුවහොත් ඊට මුහුණදීමට හැකිවන පරිදි මිහින්තලය ප්රදේශයේ ආනයන හා අපනයනය කේන්ද්රකරගත් නව ආර්ථික මධ්යස්ථානයක් ඉදිකරන බව අමාත්ය බන්දුල ගුණවර්ධන පවසනවා.
ජීවිතාන්තය දක්වා සිරදඩුවම් ලබා සිටි සුමන ස්වාමීන්වහන්සේට ජනාධිපති සමාව
බරපතල වැඩ සහිතව ජීවිතාන්තය දක්වා සිරදඩුවම් නියමවී සිටි පූජ්ය ඌවතැන්නේ සුමන ස්වාමීන්වහන්සේට ජනාධිපති සමාව ලබා දී තිබෙනවා.
ජනවාරි 22 සිට වාණිජ ගුවන් යානා සඳහා ගුවන්තොටුපොළ විවෘතයි
විදෙස් සංචාරකයින් ඇතුළු සියලු ව්යාපාර සදහා පැමිණෙන ගුවන් යානා සදහා ජනවාරි 22 වනදා සිට ගුවන්තොටුපොළ විවෘත කිරීමට පියවරගන්නා බව රාජ්ය අමාත්ය නිමල් ලන්සා පවසනවා.
ශීත කළ සුදු පොල් මද ආනයනය කිරීමට පොල් සංවර්ධන අධිකාරියේ අනුමැතිය හිමිවුණා.
''වෛරසය වෙනස් වන්නේ දැයි අවධානයෙන් '' වෛද්ය සුදර්ශනී පවසයි
මෙරට තුළ කොරෝනා වෛරසය වෙනස්වීමට ලක්වන්නේදැයි නිරන්තරයෙන් සොයා බලන බව රාජ්ය අමාත්ය විශේෂඥ වෛද්ය සුදර්ශනී ප්රනාන්දුපුලේලේ පවසයි. ඇය සඳහන් කළේ, ඒ සඳහා රසායනාගාර ආශ්රිත පුළුල් පර්යේෂණ ක්රියාත්මක බවය.
පාරිභෝගිකයින්ට අත්යවශ්ය ආහාර ස්ථාවර මිලකට ලබා ගැනීමට පහසුකම් සැලසීමේ අරමුණින් අත්යවශ්ය ආහාර වර්ග 10ක් ස්ථාවර මිලක් යටතේ පවත්වා ගෙන යාමට වෙළෙඳ අමාත්යාංශය තීරණය කර තිබේ. එම ස්ථාවර මිල ගණන් මාස 6 ක කාලයක් පවත්වා ගැනීමට අපේක්ෂිත බව අමාත්ය ආචාර්ය බන්දුල ගුණවර්ධන මහතා පැවසුවේ ය.ස්ථාවර මිලක් යටතේ අත්යවශ්ය ආහාර වර්ග සැපයීමට හැකි සැපයුම්කරුවන්ගෙන් ටෙන්ඩර් කැඳවීම ඉදිරි දිනවල සිදු කිරීමට නියමිතයි.
සහල්, පිටි, සීනි, පරිප්පු, ලූණු, කඩල, හාල්මැස්සන්, ටින් මාළු ඇතුළු අත්යවශ්ය ආහාර වර්ග 10ක් මෙලෙස ස්ථාවර මිලක් යටතේ මාස 6 ක කාලයක් පාරිභෝගිකයින් වෙත අලෙවි කෙරෙනු ඇති.
ඔහු පැවසුවේ අදාළ අත්යවශ්ය ආහාර ද්රව්ය දිවයින පුරා පිහිටි සතොස සහ සමුපකාර අලෙවි සැල් මගින් පාරිභෝගිකයින් වෙත අලෙවි කිරීමට අපේක්ෂිත බවයි.
