ලෝක සෞඛ්‍ය සංවිධානය විසින් හඳුනවා දී ඇති COVAX පහසුකම සහ එන්නත් හා ප්‍රතිශක්තිකරණය සඳහා වන ගෝලීය සන්ධානය (GAVI) සමඟ ශ්‍රී ලංකාව දැනටමත් එක්වී ඇත.එන්නත් පහසුකම ලබා ගැනීම සඳහා අදියර දෙකක් යටතේ එන්නත් ඉල්ලීම් අයදුම්පත් ඉදිරිපත් කරන ලෙස රටවල්වලට දන්වා තිබූ අතර පළමු අදියර වන A කොටස සඳහා ඉලක්කගත කණ්ඩායම, ගබඩා ධාරිතාව සහ තාක්ෂණික තොරතුරු ඇතුළත් තොරතුරු 2020 දෙසැම්බර් 07 වන දිනට පෙර ඉදිරිපත් කළ යුතුව තිබුණි. ඒ අනුව එම තොරතුරු රජය විසින් ඉදිරිපත් කර ඇත.එන්නත් ලබා ගැනීම සහ වන්දි ගිවිසුම අත්සන් කිරීම සම්බන්ධයෙන් වන එහි දෙවන කොටස (බී) ජනවාරි 08 දිනට පෙර ඉදිරිපත් කළ යුතුයව තිබේ. එම ඉල්ලුම්පත්‍රයේ බී කොටස වෙනුවෙන් නීතිපති විසින් සකස් කරන ලද පත්‍රිකාව සහිත යෝජනාව සෞඛ්‍ය අමාත්‍යවරිය විසින් අමාත්‍ය මණ්ඩලයට ඉදිරිපත් කර තිබෙන අතර ඊට අනුමැතිය හිමි වී ඇත.ලෝකය පුරා COVID 19 සඳහා වන එන්නත් නිෂ්පාදනය හා එය වේගවත් කරමින් සිටින අතර COVAX පහසුකම හරහා COVID 19 එන්නත් ලබා ගැනීමට ලෝකයේ සෑම රටකටම අවස්ථාව ලැබිය විය හැකි බව රජය පවසයි.