අමෙරිකාව ට ගොස් සිටි බැසිල් රාජපක්ෂ මහතා අද (24) උදෑසන කටුනායක ගුවන්තොටුපළ ඔස්සේ නැවත ශ්‍රී ලංකාවට පැමිණි ඇත. බැසිල් රාජපක්ෂ මහතා සමග, ඔහුගේ බිරිඳ ද පැමිණ තිබුණි.

මේ අතර පොදුජන පෙරමුණු ආරංචි මාර්ග පවසන්නේ පසුගියදා ඉහළ දමන ලද ඉන්ධන මිළ යළි පහත හෙළීමට බැසිල් රාජපක්ෂ මහතා කටයුතු යොදනු ඇති බවය.

භාරත ලක්ෂ්මන් ප්‍රේමචන්ද්‍ර ඝාතන සිදුවීමට අදාළව මරණීය දණ්ඩනය නියම ජීවිතාන්තය දක්වා සිර දඩුවමක් නියම වී සිටි හිටපු පාර්ලිමේන්තු මන්ත්‍රී දුමින්ද සිල්වා මහතා ජනපති විශේෂ පොදු සමාව යටතේ නිදහස් වී තිබේ. 

කොවිඩ් මර්ධනය සඳහා පනවා තිබෙන සෞඛ්‍ය මාර්ගෝපදේශ කඩ කරන පුද්ගලයින්ට දැඩි දඬුවම් ලබාදීමට උපදෙස් ලබාදුන් බව සෞඛ්‍ය අමාත්‍ය පවිත්‍රා වන්නිආරච්චි මහත්මිය පවසයි.

මරණීය දණ්ඩනය නියම වී වසර 20 කට වැඩි කාලයක් සිරගත වී සිටින පුද්ගලයින් 216 දෙනෙකුගේ එම මරණීය දණ්ඩනය ජීවිතාන්තය දක්වා ක්‍රියාත්මක සිර දඬුවමක් බවට පත්කිරීමට තීරණය වී ඇති බව වාර්තා වේ. මේ අනුව පොසොන් පොහොය නිමිත්තෙන් ජනාධිපති ගෝඨාභය රාජපක්ෂ මහතාගේ නියෝගය අනුව කටයුතු කරන බව බන්ධනාගාර ආරංචි මාර්ග පවසයි.

රට මේ වන විට පත්ව තිබෙන ආර්ථික අර්බුදයෙන් ගොඩ ඒමට නම් ඇති එකම මාර්ගය නැවතත් ජාත්‍යන්තර මූල්‍ය අරමුදල සමඟ ගනුදෙනු කිරීම බව පාර්ලිමේන්තු මන්ත්‍රී රනිල් වික්‍රමසිංහ මහතා පවසයි.

දුෂ්කර පළාත්වල හෝ අඩු ආදායම්ලාභී පවුල්වල ආර්ථික අපහසුතා ඇති දරුවන්ට අඩු මුදලකට පහසු ගෙවීමේ පදනම මත ස්මාට් ජංගම දුරකතන මිලදී ගැනීම සඳහා ඉතා ඉක්මනින් ක්‍රමවේදයක් හඳුන්වා දීමට සාකච්ඡා කර ඇතැයි අධ්‍යාපන ඇමැති මහාචාර්ය ජී.එල්. පීරිස් ඊයේ (22 වැනිදා) පාර්ලිමේන්තුවේදී ප්‍රකාශ කර ඇත.

කොළඹ වරාය ආසන්නයේදී ගිනි ගැනීමට ලක්වූ එක්ස්ප්‍රස් පර්ල් නෞකාවෙන් වී ඇති අලාභය තක්සේරු කිරීම සඳහා අනුකමිටු පහක් පත්කර තිබේ.

පසුගිය යහපාලන යුගයේදී එවකට මුදල් අමාත්‍ය මංගල සමරවීර ඉදිරිපත් කරනු ලැබු ඉන්ධන මිල සුත්‍රයට අනුව ඉන්ධන මිළ සංශෝධනය කලේ නම් අද රුපියල් 157 ට විකුණන 92 පෙට්‍රල් ලීටරයක මිල රුපියල් 164 ක් වන බවත් අද රු.111 ට විකුණන ඩීසල් ලීටරයක මිළ රු 122 ක් වන බවත් ඛනිජ තෙල් අමාත්‍ය උදය ගම්මන්පිළ අද පාර්ලිමේන්තුව හමුවේ ප්‍රකාශකර සිටියේය.