එහි දී ඔහු වැඩිදුරටත් සඳහන් කළේ එම මුදල් වියදම් කළ ආකාරය සැක සහිත බවත්, ඒවා පිළිබඳ කිසිඳු වියදම් වාර්තාවක් ක්‍රිකට් පාලක මණ්ඩලයට ලබා නොදුන් බවත්ය.
ඉන් දින කිහිපයකට පසුව ඊට අදාළ සියලු වියදම් වාර්තා ක්‍රිකට් පාලක මණ්ඩලය වෙතත්, මාධ්‍ය වෙතත් නිකුත් කළ ක්‍රීඩා අමාත්‍යවරයා අදාළ චෝදනාවන් සියල්ල එකහෙළාම ප්‍රතික්ෂේප කරනු ලැබීය.
නමුත් එම වාර්තාවන්හි රොෂාන් රණසිංහ ක්‍රීඩා අමාත්‍ය ධුරයට පත්වීමට පෙර එනම් 2021 සහ 2022 වර්ෂවල යම් යම් සංවර්ධන ව්‍යාපෘතීන් හි වියදම් පවා එම වාර්තාවෙහි ඇතුළත්ව තිබීමත්, අනෙකුත් වියදම් වලින් බොහෝමයක් අසත්‍ය කරුණු බවත් පවසමින් සිවිල් ක්‍රියාකාරී දර්ශන හඳුන්ගොඩ ඇතුළු පිරිසක් නීතිවිරෝධී දේපළ හා වත්කම් පිළිබඳ විමර්ශන කොට්ඨාසය වෙත අද පැමිණිල්ලක් බාරදීමට නටයුතු කර ඇත.
