ඉන්දීය මුදල් ඇමැතිනී නිර්මලා සීතාරාමන් මහත්මිය විදේශ කටයුතු පිළිබඳ අමාත්‍යාංශයෙන් කරන ලද ඉල්ලීමක් මත ශ්‍රී ලංකාව සහ ඉන්දියාව අතර මිත්‍රත්වය තහවුරු කිරීමේ තවත් ප්‍රතිඵලයක් වශයෙන් මෙය සිදුවී ඇත.
සීතාරාමන් සෙනසුරාදා රාත්‍රියේ රාමේෂ්වරම් වෙත පැමිණ තිබුණේ පසුදා අග්‍රාමාත්‍යවරයාගේ යටතේ සුබසාධන කටයුතු බෙදා හැරීමටය. එහිදී ධිවරයන් මෙම අත්අඩංගුට ගැනීම ගැන පවසා ඇති අතර ඇයට එම ධීවරයන් නිදහස් කර දෙන මෙන් ඉල්ලා සිට ඇත. ඒ අනුව මෙරට බලධාරීන්ගෙන් ඉල්ලීමක් කර ඇති නමුත් එයට එකඟ වී නොතිබිණි.
පසුව ජනාධිපති කාර්ය මණ්ඩල ප්‍රධානි සාගල රත්නායක මහතා මැදිහත්ව බලධාරීන් සමඟ කාතාබහ කර මෙම ගැටළුව විසඳා ඇත. දෙරට අතර රාජ්‍යතාන්ත්‍රික ගැටඵුවක් ඇති නොවීම වෙනුවෙන් සාගල රත්නායක මහතා මීට මැදිහත් වී සුහදව ගැටළුව සමතයකට පත් කිරීමට සමත්ව තිබිණි.
නිදහස් කළ යාත්‍රා පසුව ඉන්දියාව වෙත යැවීමට පියවර ගෙන ඇති අතර, මුලින්ම ධීවරයන් පිරිස පමණක් භාරදීමට පියවර ගෙන තිබුණි. එසේ නිදහස් කරන ලද ඉන්දීය ධීවරයන් පිරිස ශ්‍රී ලංකා නාවික හමුදාවේ යාත්‍රා මඟින් ජාත්‍යන්තර මුහුදු කලාපයට රැගෙන ගොස් ඉන්දීය නාවික හමුදාවට භාර දීමෙන් පසුව එම ධීවරයන්ගෙන් කොටසක් ඊයේ (20) අලුයම ඉන්දියාවේ පම්බන් වරායට ළඟාවී ඇත.
අනෙක් ධීවරයන් පිරිස ඔවුන් පදිංචි පළාත් අනුව ඒ ඒ වරායන් වෙත යැවීමට ඉන්දීය නාවික හමුදාව පියවර ගෙන ඇත. ඉන්දීය මාධ්‍ය වාර්තා කළේ මේ ධීවරයන් පිරිස ශ්‍රී ලංකාවේ මුහුදු සීමාව ආක්‍රමණය නොකළ බවත්, අධික සුළං සහිත තත්ත්වය මත ඔවුන්ගේ යාත්‍රා උතුරු මුහුද දෙසට ගසාගෙන ආ බවත්ය.
