රට තුළ ඇති වූ කොවිඩ්-19 වසංගතයේ දෙවන රැල්ලේ බලපෑමෙන් අනතුරුව 2020 වසරේ දෙසැම්බර් මාසයේදී භාණ්ඩ අපනයන යථා තත්ත්වයට පත් වූ අතර, අත්යවශ්ය නොවන ආනයන සඳහා වන සීමාවන් අඛණ්ඩව පවත්වා ගෙන යාම සහ ගෝලීය ඉන්ධන මිල සාපේක්ෂව අඩු මට්ටමක පැවතීම හේතුවෙන් භාණ්ඩ ආනයන පෙර වසරේ අනුරූප මාසවලට සාපේක්ෂව අඛණ්ඩව අඩු විය.
බ්‍රිතාන්‍යයේ වේගයෙන් පැතිර යන COVID-19 නව වෛරස් ප්‍රභේදය මෙරට ප්‍රදේශ කිහිපයකින් සොයා ගෙන ඇති බව ශ්‍රී ජයවර්ධනපුර විශ්ව විද්‍යාලයේ ආසාත්මිකතා හා ප්‍රතිශක්ති විද්‍යා හා සෛල ජෛව විද්‍යා ආයතයේ අධ්‍යක්ෂ වෛද්‍ය චන්දිම ජීවන්දර සඳහන් කරනවා.
අතරමැදියන්ගෙන් තොරව තම නිෂ්පාදන කෙළින්ම පාරිභෝගිකයාට අලෙවි කිරීම සඳහා ගොවීන්ටද ආර්ථික මධ්‍යස්ථානවල කඩ කාමර ලබාදීමට තීරණය කළ බව කෘෂිකර්ම අමාත්‍ය මහින්දානන්ද අලුත්ගමගේ ඊයේ (11 වැනිදා) පාර්ලිමේන්තුවේදී ප්‍රකාශ කර තිබේ.
වන රක්ෂිත කලාප විනාශ කරන පුද්ගලයන් සහ වන සතුන් දඩයම් කරන පුද්ගලයන් අත්අඩංගුවට ගෙන නීතිය ක්‍රියාත්ක කිරීම සඳහා දිගු දුර විහිදුම් බළකායක් ස්ථාපිත කිරීමට වනජීවී සහ වන සංරක්ෂණ අමාත්‍යාංශය සැලසුම් කර ඇත.
කෘෂි ඇමැති, මෝල් හිමියන් මට්ටු කරන්න වී වැඩියෙන් මිළදී ගනී
මෝල් හිමියන්ගේ හිතුවක්කාරී ක්‍රියාවන් වැළැක්වීම සඳහා වී අලෙවි මණ්ඩලය විසින් ගොවියාගෙන් මෙම කන්නයේදී වී මෙට්‍රික් ටොන් ලක්ෂ පහක් මිලට ගන්නා බව කෘෂිකර්ම ඇමැති මහින්දානන්ද අලුත්ගමගේ ඊයේ (11 වැනිදා) පාර්ලිමේන්තුවේදී පවසා ඇත.
ආන්දෝලනාත්මක මහ බංකු බැඳුම්කර වංචා නඩු විභාගය සඳහා විශේෂ මහාධිකරණ ත්‍රිපුද්ගල විනිසුරු මඬුල්ලක් (Trial at bar) පත් කරන ලෙස නීතිපතිවරයා, අගවිනිසුරුවරයාගෙන් ඉල්ලීමක් කර තිබේ.
ගුවන් යානා 12ක් ගන්න යහපාලන ආණ්ඩුව ඇ.ඩොලර් හාරකෝටියක් වැය කරලා
යහපාලන ආණ්ඩුව සමයේ ඇමරිකානු ඩොලර් හාරකෝටි හැටලක්ෂ අනූඅටදහස් පන්සිය අනූඑකක් වැය කරමින් ගුවන් යානා 12ක් මිලට ගෙන ඇති බවත් භාවිතා කළ නොහැකි පැරැණි ගුවන් යානාවක් ඒ අතර වූ බවත් සංචාරක අමාත්‍ය ප්‍රසන්න රණතුංග ඊයේ (11 වැනිදා) පාර්ලිමේන්තුවේ දී ප්‍රකාශ කර තිබේ.
මරණ දඬුවම පිළිබදව මෛත්‍රීගේ තීරණයට එරෙහි පෙත්සම් සලකා බැලීම දීර්ඝ කෙරේ
මරණ දඬුවම යළි ක්‍රියාත්මක කරන ලෙස හිටපු ජනාධිපති මෛත්‍රීපාල සිරිසේන ගත් තීරණයට එරෙහිව ගොනු කර තිබූ මූලික අයිතිවාසිකම් පෙත්සම් ලබන සැප්. 06 දා සලකා බැලීමට ඊයේ තීරණය කළ ශ්‍රේෂ්ඨාධිකරණය එදිනට පෙත්සම්වල කරුණු තහවුරු කරන ලෙස පෙත්සම්කරුවන් වෙනුවෙන් පෙනී සිටි නීතිඥවරුන්ට දැනුම් දුන්නේය.
