නීති විරෝධි ලෙස ලග තබා ගෙන සිටින අලි පැටවුන් වන ජීවි දෙපාර්තමේන්තුව වෙත ලබා දීමට පරිවාස කාලයක් ලබා දී ඇති බව සංචාරක නියෝජ්‍ය අමාත්‍ය වසන්ත සේනානායක මහතා පවසයි.
ලිංගික අපචාරකරුවකු වූ හිටපු IMF ලොක්කට කබ්රාල් පඩි ගෙවලා
ලිංගික අපචාර චෝදනා මත ධුරයෙන් ඉවත්වීමට සිදුවූ ජාත්‍යන්තර මූල්‍ය අරමුදලේ හිටපු ප්‍රධානී ඩොමිනික් ස්ට්‍රවුස් ඛාන්ට රුපියල් කෝටි ගණනක මුදලක් ගෙවමින් ඔහු ශ්‍රී ලංකා මහ බැංකුවේ උපදේශකයෙකු ලෙස පත් කරගෙන සිට ඇති බව ප්‍රතිපත්ති සම්පාදන හා ආර්ථික කටයුතු අමාත්‍යාංශ ආරංචි මාර්ග සඳහන් කරයි.
ශ්‍රී ලංකාව නියෝජනය කරමින් රටවල් 27ක සේවය කරන තානාපතිවරුන් ඇතුළු තානාපති අංශ ප්‍රධානීන් 27 දෙනකු වහාම ශ්‍රී ලංකාවට ආපසු කැඳවීමට විදේශ කටයුතු අමාත්‍යාංශය තීරණය කර තිබේ. ශ්‍රී ලංකා විදේශ සේවය දැඩි ලෙස දේශපාලනීකරණය වීම නිසා ජාත්‍යන්තර අංශවල සහයෝගය මෙරටට නොලැබී යෑමේ හේතුව මත විදේශ සේවය නිර්දේශපාලනීකරණය කිරීමේ නව වැඩසටහන යටතේ මෙම පියවර ගෙන ඇතැයි රජය පවසයි.
වනජීවී හා වන සංරක්‍ෂණය, පරිසර අමාත්‍යාංශ යටතට පවරා ගන්න - ජාතික පරිසර සංවිධාන එකමුතුව
පොරොන්දු වූ පරිදි වනජීවී හා වන සංරක්‍ෂණ දෙපාර්තමේන්තුව පරිසර අමාත්‍යාංශ යටතට පවරා ගන්නැයි පරිසර සංවිධාන ජනාධිපතිවරයාගෙන් ඉල්ලා සිටී.
යුධඅපරාධ ගැන කතා කරන්න, ජයන්ත මානව හිමිකම් කොමසාරිස් හමුවීමට යයි
එක්සත් ජාතීන්ගේ මානව හිමිකම් කොමසාරිස් සෙයිද් රාද් සෙයිද් අල් හුසේන් හමුවීම සඳහා විදේශ කටයුතු පිළිබඳව ජනාධිපති ජ්‍යෙෂ්ඨ උපදේශක ජයන්ත ධනපාල මහතා අද (26දා) ස්විට්සර්ලන්තයේ ජිනීවා නුවර බලා පිටත්ව යාමට නියමිතය.
පළාත් සභා සඳහා වන ඉඩම්, පොලිස් ඇතුළු තවත් බලතල ක්‍රියාත්ම සක්‍රීය කරමින් ආණ්‌ඩුක්‍රම ව්‍යවස්‌ථාවේ 13 වැනි සංශෝධනය පූර්ණ වශයෙන් ක්‍රියාත්මක කිරීම සම්බන්ධව දේශපාලන පක්‍ෂ අතර මෙතෙක් එකඟතාවක්‌ ඇති කරගෙන නැති බව ජාතික හෙළ උරුමය ප්‍රකාශ කරයි.
"පසුගිය ආණ්‌ඩුවට එක්‌වීමට ගත් තීරණය ගැන මා අද දුක්‌ වෙනවා. නරක ග්‍රහ බලපෑමක්‌ නිසා එහෙම සිදු වෙන්න ඇතැයි විශ්වාස කරනවා" යැයි එජාප හිටපු මහ ලේකම් තිස්ස අත්තනායක මහතා දිවයින පුවත්පත ඊයේ (25 දා) කළ විමසුමකට පිළිතුරු දෙමින් සඳහන් කර ඇති අතර අත්තනායක මහතා තවදුරටත් තමන් එජාප මන්ත්‍රීවරයකු ලෙස කටයුතු කරන බව ත් පවසයි.
ජනාධිපතිවරණයෙන් පසු රට හැර ගිය හිටපු ඇමැති බැසිල් රාජපක්ෂ, හිටපු පොලිස්‌පති මහින්ද බාලසූරිය ඇතුළු දූෂණ චෝදනා හේතුවෙන් රට හැර ගොස්‌ සිටින පසුගිය ආණ්‌ඩුවේ ඇමැතිවරුන් සහ රාජ්‍ය නිලධාරීන් ජාත්‍යන්තර පොලිසියේ සහාය ඇතිව වහාම මෙරටට ගෙන්වා ගැනීමට රජය පියවර ගෙන ඇතැයිද වාර්තාවේ.
